პარლამენტის იურიდიულ საკითხთა კომიტეტში მთავარი პროკურორის პოსტზე წარდგენილი შალვა თადუმაძის მოსმენა საპარლამენტო ოპოზიციის მონაწილეობის გარეშე მიმდინარეობს.
იურიდიულ საკითხთა კომიტეტის სხდომას, სადაც თადუმაძის მთავარი პროკურორის თანამდებობაზე არჩევის საკითხს იხილავენ, არც ერთი ოპოზიციური ფრაქციის წარმომადგენელი არ ესწრება.
დღესვე თადუმაძის კანდიდატურა ასარჩევად რიგგარეშე პლენარულ სხდომაზე გავა.
მთავარი პროკურორის არჩევა დღის წესრიგში მას შემდეგ დადგა, რაც ხორავას ქუჩაზე მომხდარი მკვლელობის საქმეზე სასამართლო გადაწყვეტილების გამოცხადების შემდეგ, ირაკლი შოთაძემ დაკავებული თანამდებობა ვადაზე ადრე დატოვა.
