შეხვედრა „ქართული ოცნების“ ცენტრალურ ოფისში გაიმართა და მას ამერიკის შეერთებული შტატების ელჩი ჯონ ბასი, ჩეხეთის ელჩი ივან იესტრჟაბი, ევროკავშირის ელჩი ფილიპ დიმიტროვი, დიდი ბრიტანეთის ელჩი ჯუდიტ გოფი, NDI-ს საქართველოს ოფისის დირექტორი ლუის ნავარო და საქართველოში აკრედიტებული საელჩოების სხვა წარმომადგენლები ესწრებოდნენ.
ბიძინა ივანიშვილმა დიპლომატიური კორპუსის წარმომადგენლებს სასამართლოს მიერ მისი დაჯარიმების, "გლობალ ტვ"-ის ამერიკელი მეწილის დაკავების და "გლობალ ტვ"-ის ანტენების დაყადაღების შესახებ დეტალური ინფორმაცია მიაწოდა.
შეხვედრის დასრულების შემდეგ ამერიკის ელჩმა ჯონ ბასმა ჟურნალისტებთან კომენტარი გააკეთა, სადაც კიდევ ერთხელ გაუსვა ხაზი საპარლამენტო არჩევნების სამართლიან გარემოში ჩატარების აუცილებლობას.
