დღეს, ფოთში კოალიცია „ქართული ოცნების“ ლიდერები ირაკლი ალასანია, გუბაზ სანიკიძე, გოგლა ჟვანია და ელისო ჩაფიძე მხარდამჭერებს შეხვდნენ. კოალიციის ლიდერებმა ფოთელებს „ქართული ოცნების“ ჯანდაცვის, განათლების, სოფლის მეურნეობის და დასაქმების პროგრამები გააცნეს.
„დარწმუნებული ვარ კოალიცია „ქართული ოცნება“ და ის ოპოზიციური ძალები, რომლებიც ბიძინა ივანიშვილმა ერთმუშტად შეკრა, ოქტომბრის არჩევნებში მოიპოვებს ხალხის უმრავლესობას პარლამენტში. ხალხის უმრავლესობა კი ნიშნავს იმას, რომ თითოეული თეთრი, რომელიც ჩვენს ბიუჯეტშია, დაიხარჯება ყაირათიანად და პასუხისმგებლობით“ - განაცხადა ირაკლი ალასანიამ.
