სამსართულიანი საცხოვრებელი, ლოს ანჯელესის ჰოლმბი–ჰილზის ელიტარულ რაიონში, ფრანგული ციხე–დარბაზის სტილშია აგებული. ნაკვეთის ფართი, რომელზეც შენობაა განთავსებული, 5000 კვ. მეტრზე მეტია.
სახლის ფართი 1595 კვ. მეტრია. მასში 7 საძინებელია, 13 აბაზანა, ორი სასტუმრო, ორი სასადილო, სამზარეულო, ბიბლიოთეკა და რამდენიმე კაბინეტი და სტუდიაა. შენობაში 12 ბუხარია. სახლის ქვემოთ არის ღვინის სარდაფი და ავტოფარეხი 7 ავტომობილისათვის.
მიმდებარე ტერიტორიაზე განთავსებულია აუზი და სპა.
სახლის უშუალო მფლობელია ჰიუბერტ გუესი, ტანსაცმლის დიზაინერი, რომელიც ბინას ჯეკსონზე აქირავებდა.
„პოპ–მუსიკის მეფე“ მაიკლ ჯეკსონი ძილის წამლის გადაჭარბებული დოზის მიღების გამო დაიღუპა. მის ანგარიშზე 12 გრემი იყო და ორჯერ გინესის რეკორდების წიგნში მოხვდა. მსოფლიოში ჯეკსონის 750 მილიონი ალბომია გაყიდული.
