ამერიკის შეერთებული შტატების სახელმწიფო დეპარტამენტი თბილისში, 17 მაისს მომხდარ დაპირისპირებას გმობს. ამის შესახებ აშშ-ის სახელმწიფო დეპარტამენტის პრესსპიკერის მოადგილე პატრიკ ვენდრელმა ტრადიციულ პრესკონფერენციაზე "რუსთავი 2"-ის ჟურნალისტის კითხვაზე პასუხისას განაცხადა.
"ამერიკის შეერთებული შტატები გმობს თბილისში ჰომოფობიის წინააღმდეგ ბრძოლის საერთაშორისო დღეს დაგეგმილ მშვიდობიან მარშზე თავდასხმას. მსგავსი არატოლერანტული ქმედებები არ უნდა ხდებოდეს დემოკრატიულ საზოგადოებაში", -განაცხადა ვენდრელმა.
მისივე თქმით, ამერიკის შეერთებული შტატები დიდ მნიშვნელობას ანიჭებს ადამიანის უფლებების დაცვას და მსოფლიოში ყველა მოქალაქის თავისუფლებას.
პრესკონფერენციის კადრები "რუსთავი 2"-მა გაავრცელა.
