"ნანუკა ჟორჟოლიანის შოუს“ ეთერში ბრუნდება, ის ისეთივე იქნება როგორიც იყო. ამის შესახებ, გადაცემის წამყვანმა, ნანუკა ჟორჟოლიანმა Media.Ge-თან ისაუბრა. მისი თქმით, ამ ეტაპზე მოლაპარაკება რამდენიმე ტელარხთან მიმდინარეობს. უახლოეს 2 თვეში გადაცემა დაუბრუნდება მაყურებელს. ნანუკა ჟორჟოლიანმა ისიც აღნიშნა, რომ გადაცემას ისევ ძირითადი შემოქმედებითი ჯგუფი გააკეთებს.
ნანუკა ჟორჟოლიანმა საავტორო გადაცემა „იმედზე“ მას შემდეგ დახურა, რაც ტელევიზიის პატარკაციშვილების ოჯახისთვის გადაცემის შესახებ განცხადება გავრცელდა. „მე მივიღე გადაწყვეტილება არხიდან წავიდე. ეს მხოლოდ ადამიანური გადაწყვეტილებაა. შეიძლება დავარქვათ მორალური ვალდებულებაც!“ - წერდა იგი თავის „ფეისბუქის“ გვერდზე.
