"პოპულარული რუსი დრამატრურგი, რეჟისორი, მსახიობი და მომღერალი ევგენი გრიშკოვეცი წყვეტს ხანგრძლივ  დუმილს მუსიკალურ კარიერაში და ორი ახალი სიმღერით გვიბრუნდბეა.  მომღერალმა ჯგუფ „Бигуди“-სთან განხორციელებული წარმატებული პროექტის  შემდეგ  დუეტი ქართველ შემსრულებლებთან ჩაწერა“ -ამის შესახებ ინფორმაციას Lenta.ru ავრცელებს,- სტატიაში Сообщение другу. იგივე სახელწოდებისაა სიმღერაც, რომელიც გრიშკოვეცმა „მგზავრებთან“ ერთად თბილისში ჩაწერა. როგორც რეჟისორი აღნიშნავს „ყველაზე დიდი ბედნიერება და წარმატება ცხოვრებაში თავისთავად, თითქოსდა შემთხვევით მოდის, ყოველგვარი ძალისხმევის გარეშე. ასე მოხდა ამ შემთხვევაშიც, მან ქართული  ჯგუფისგან „მგზავრები“  ურთიერთთანამშრომლობის  წერილი მიიღო.  დიდი ფიქრისა და დაკვირების გარეშე გრიშკოვეცი თბილისში ჩაფრინდა და ახალ მეგობრებთან (მგზავრები) დასვენების დღეებში ორი ახალი სიმღერა ჩაწერა.

ევგენი გრიშკოვეცი „მგზავრებთან“ თანამშრომლობაზე: „წინადადება ბიჭებისგან, ჯერ კიდევ მაშინ მოვიდა, როდესაც ვერავინ იწინასწარმეტყველებდა საქართველოში მომავალი საპარლამენტო არჩევნების შედეგებს.  ეს სიმღერა ისეთი შინაარსისაა, რომ ახლა, ალბათ, არავინ დაიჯერებს, რომ ჩვენ, უბრალოდ, ერთობლივი შემოქმედებითი ნაბიჯების  გადადგმა გადავწყვიტეთ და ამაში  არათუ ხელისუფლება ჩარეულა, არამედ მინიშნებაც კი არ ყოფილა არავის მხრიდან“-ამბობს მომღერალი.

ჯგუფი „მგზავრები“ და მისი  სოლისტი გიგი ძალიან ახალგაზრდები არიან,-ჩემთვის ახალგაზრდები.  ისინი ნამდვილები არიან. თქვენ უნდა გენახათ, როგორ ნერვიულობდნენ, როგორ მელოდებოდნენ სტუდიაში, როგორ საუბრობდნენ და  მხიარულობდნენ გადაღების დროს. უხაროდათ, ის რომ ზრდასრული ადამიანი, მათ მიწვევას დასთანხმდა ძალიან სერიოზულად მიიღო ეს ყველაფერი, შემოქმედებითად მიუდგა  და თავად ჩავიდა მათთან.  მთავარი ისაა, რომ ისინი, როგორც ქართველები, არ მალავდნენ ამ სიხარულს. ჩემი მხრიდან მეც, ძალიან გახარებული ვიყავი ამ ახალი შემოქმედებითი ალიანსით, მიხარია ახალგაზრდა ნიჭიერ შემოქმედებთან მუშაობა და  მათი გულწრფელი სიხარული“-აღნიშნავს Lenta.ru-სთან საუბარში გრიშკოვეცი.

ქვემოთ მოცემულ ლინკზე შეგიძლიათ იხილოთ. „მგზავრებისა“ და ევგენი გრიშკოვეცის ახალი სიმღერა,- „Сообщение другу.“

http://soundcloud.com/mgzavrebi_official/grishkovets-mgzavrebi