დღეს, „ბასტი-ბუბუს“ 20 წლის იუბილეა. ამ სადღესასწაულო თარიღთან დაკავშირებით, 19:00 საათზე, თბილისის დიდ საკონცერტო დარბაზში კონცერტი გაიმართება, სადაც წარმოდგენილი იქნება „ბასტი-ბუბუს“ გუნდის 20 საუკეთესო პროექტი და 20 ახალი საბავშვო სიმღერაც შესრულდება.
„ბასტი-ბუბუ“ ყოველთვიური საბავშვო მუსიკალური გადაცემა პირველი არხის ეთერში, პირველად 1992 წლის 10 მაისს გავიდა. სიტყვა „ბასტი-ბუბუ“ ქართულია და ჟრიამულს, ბავშვების მიერ გამოწვეულ აურზაურს ნიშნავს.
