ტერორისტული დაჯგუფება "ისლამური სახელმწიფოს" წევრებმა ინტერნეტში შოკისმომგვრელი ვიდეო გაავრცელა, რომელშიც ამერიკელი ჟურნალისტის ჯეიმს ფოლის თავის მოკვეთის კადრებია ასახული. ექსტრემისტული დაჯგუფების წევრების განცხადებით, ჟურნალისტის მკვლელობა აშშ-ის მიერ ერაყში, "ისლამური სახელმწიფოს" წინააღმდეგ განახორციელებულ ავიაშეტევებზე რევანში იყო.
ჯეიმს ფოლი 2012 წელს სირიაში გაიტაცეს და მას შემდეგ დაკარგულად ითვლებოდა. ამერიკელი ჟურნალისტი ახლო აღმოსავლეთში Global Post-ისა და სხვა მედიასაშუალებებისთვის, მათ შორის ფრანგული სააგენტო AFP-სთვის მუშაობდა. ამერიკელი ჟურნალისტის მკვლელობის შესახებ დღეს საგანგებო განცხადებას გააკეთებს აშშ-ის პრეზიდენტი ბარაკ ობამა. თეთერმა სახლმა უკვე დაადასტურა, რომ სიკვდილმისჯილი ჯეიმს ფოლია.
