უკრაინას ახალგაზრდა მამაკაცები მასობრივად ტოვებენ. შესაბამის ვიდეოკადრებსა და ინფორმაციას უკრაინული მედია ავრცელებს.
28 აგვისტოდან უკრაინის მინისტრთა კაბინეტის განკარგულებით 18-დან 22 წლამდე ახალგაზრდებს ქვეყნიდან გასვლის უფლება მიეცათ.
საზღვრის გადაკვეთის მსურველთა რაოდენობის მკვეთრი ზრდის გამო უკრაინის სასაზღვრო-გამშვებ პუნქტებთან ახალგაზრდებს რამდენიმე საათი რიგში დგომა უწევთ.
საომარი მდგომარეობის გამო სამ წელიწად-ნახევარია უკრაინელ მამაკაცებს ქვეყნიდან გასვლა ეკრძალებოდათ. მობილიზაციისთვის თავის არიდების მიზნით, უკრაინელები აქამდე ქვეყნის დატოვებას უკანონო გზებით ცდილობდნენ.
