ხელისუფლებაში მოსვლა უნდა სისხლიან რეჟიმს. ეგენი ხელისუფლებაში ვერ დაბრუნდებიან! ან როგორ ითხოვენ, მორალური უფლება გააჩნიათ? რამდენი უდანაშაულო ადამიანის ცოდვა ადევთ,- ამის შესახებ "ნაციონალური მოძრაობის" რეჟიმის მსხვერპლის, გიორგი ავალიშვილის დამ, გიული ავალიშვილმა, პარლამენტის დროებითი საგამოძიებო კომისიის სხდომაზე განაცხადა, სადაც მისი ძმის მიმართ განხორციელებული წამებისა და არაადამიანური მოპყრობის ფაქტების განხილვა მიმდინარეობს.
გიული ავალიშვილის განცხადებით, „ნაციონალური მოძრაობის“ რეჟიმმა არა მხოლოდ მისი ოჯახი და ძმა, არამედ ძალიან ბევრი სხვა ადამიანი და ოჯახი ამოწყვიტა.
„ძალიან ვარ გამწარებული ჩემს ყოფილ პრეზიდენტზე, რომელიც ვითომ მე ავირჩიე. თვითონ ფიქრობს და მისი დამქაშებიც ფიქრობენ ხელისუფლებაში მოსვლა უნდა სისხლიან რეჟიმს, ვერასდროს ისინი ხელისუფლებაში ვერ დაბრუნდებიან, ან როგორ ითხოვენ მორალური უფლება გააჩნიათ?! რამენი უდანაშაულო ადამიანის ცოდვა ადევს მათ ზურგს, ამ ცოდვებს ვერასოდეს ვერ მოინანიებს, მაგრამ მე პირადად, როგორც ჭეშმარიტი ადამიანი, მაინც ჯანმრთელობას და დიდხანს სიცოცხლეს ვუსურვებ. მაგრამ მე მინდა გამცეს პასუხი, რატომ მომიკლა მისმა რეჟიმმა უდანაშაულო ძმა? მხოლოდ ჩემი ძმა არ იყო ეს, ჩემი ძმის მსგავსი ძალიან ბევრია, ძალიან ბევრი დედა არის ატირებული, ბევრი ოჯახი ისეა ამოწყვეტილი, როგორც ჩემი ოჯახია ამოწყვეტილი, მას გვარის გამგრძელებელი არ დარჩა, მომისპო ძმა, რატომ? მინდა მიპასუხოს!“- განაცხადა გიული ავალიშვილმა.
