დიდუბის რაიონის გამგეობა, ე.წ. „კარაჩაროვის“ ლიფტების ჩანაცვლებას განაგრძობს.
ამ ეტაპზე, სამუშაოები დიღმის მასივის მეორე კვარტლის მე-7 ბ კორპუსში მიმდინარეობს.
სამუშაოების ფარგლებში, კაბინა და ამწე მექანიზმები მონტაჟდება, იცვლება ელექტროსისტემა და ბაგირები.
პროექტის განხორციელებისთვის ადგილობრივი ბიუჯეტიდან 55 124 ლარი გამოიყო.
მიმდინარე სამუშაოებს დიდუბის რაიონის გამგებელი ვლადიმერ ძნელაძე თბილისის საკრებულოს დიდუბის მაჟორიტარ დეპუტატ გივი ჩხარტიშვილთან ერთად გაეცნო და ადგილობრივ მოსახლეობას შეხვდა.
