პასეს პრეზიდენტი იქნება მიკერძოებული, თუ არ იქნება, ამას ვერ განაპირობებს მისი პირადი ხასიათი და პირადი დამოკიდებულება პოლიტიკური საკითხების მიმართ. რეალობა უნდა იყოს ისეთი, რომ მან ხელი ვერანაირად ვერ მოკიდოს თავისი ბოროტი საქმიანობის და ბოროტი მიზნების განხორციელებას, - განაცხადა პარლამენტის თავმჯდომარის პირველმა მოადგილემ გიორგი ვოლსკიმ იულიან ბულაის პოსტზე საუბრისას.
„ეს ამოცანა ჩვენ 2024 წელსაც შევასრულეთ, თუმცა შედეგად ნახეთ - არავითარი დასაბუთება და მუდმივი შეტევა საქართველოზე, ეს მათ ახასიათებთ. ასეთი აღქმებით და პროპაგანდისტული ფანდებით, რასაკვირველია ვერ დაგვაშინებს. მთავარია მართლები ვიყოთ ჩვენი ქვეყნის, ჩვენი სინდისის და იმ სტანდარტის წინაშე, რომელიც კონსტიტუციაში გვაქვს გაწერილი“, - აღნიშნა გიორგი ვოლსკიმ.
ევროპის საბჭოს საპარლამენტო ასამბლეის საარჩევნო სადამკვირვებლო ჯგუფის ხელმძღვანელმა რადიკალური ოპოზიციის თვალსაზრისი სიტყვა-სიტყვით გაიმეორა, როცა ელენე ხოშტარიაზე დაწერა. რა ფაქტებს დაეყრდნო იულიან ბულაი, უცნობია.
