აშშ-ს არჩევნებამდეც და არჩევნების შემდეგ არაერთგზის მხვდებოდა რუს პოლიტოლოგთა ნაწილის არგუმენტირებული მსჯელობა, რომ რუსეთს კამალა ჰარისი უფრო აწყობს. აწყობს მისთვის გამარჯვების "ჩუქების" შემთხვევაში, ამერიკაში გარდაუვალი სამოქალაქო დაპირისპირების, ქვეყნის ნგრევის, სისხლისღვრის დიდი ალბათობის გამო. მათი ლოგიკა მარტივი და გასაგები იყო - რაში გვაწყობსო ტრამპის ლოზუნგი "აქციე ამერიკა კვლავ დიადად" - აბა ჩვენ დიადი ამერიკა გვინდაო. მაშ რით განსხვავდებოდნენ ისინი ამ მოლოდინებში თავისივე "სასარგებლო იდიოტებისაგან", ქართული "მეხუთე კოლონის" სახით, - წერს „ხალხის ძალის“ წევრი დავით ქართველიშვილი სოციალურ ქსელში.
მისივე თქმით, დღეს "რუსეთუმეებად" შერაცხილი საქართველოს უდიდესი ნაწილი ამერიკელ ხალხთან, და არა ადამი-ანური იერსახის, სქესის, ღირსების დაკარგულ იქაურ ბრბოსთან ზეიმობს ამ ეპოქალურ გამარჯვებას, ხოლო ოპოზიცია თავისი რუსი კოლეგების მწუხარებას იზიარებენ - ამერიკისთვის მისი ოდესღაც სიდიადის დაბრუნების გამო.
„აშშ-ს არჩევნებამდეც და არჩევნების შემდეგ არაერთგზის მხვდებოდა რუს პოლიტოლოგთა ნაწილის არგუმენტირებული მსჯელობა, რომ რუსეთს კამალა ჰარისი უფრო აწყობს. აწყობს მისთვის გამარჯვების "ჩუქების" შემთხვევაში, ამერიკაში გარდაუვალი სამოქალაქო დაპირისპირების, ქვეყნის ნგრევის, სისხლისღვრის დიდი ალბათობის გამო. მათი ლოგიკა მარტივი და გასაგები იყო - რაში გვაწყობსო ტრამპის ლოზუნგი "აქციე ამერიკა კვლავ დიადად" - აბა ჩვენ დიადი ამერიკა გვინდაო. მაშ რით განსხვავდებოდნენ ისინი ამ მოლოდინებში თავისივე "სასარგებლო იდიოტებისაგან", ქართული "მეხუთე კოლონის" სახით.
იმ "მეხუთე კოლონის", თავისი დაჭმუჭნილი სახეებით გუშინდელი კოლექტიური გინებეს ადრესატს - დონალდ ტრამპს, დღეს ჩვეული უნამუსობით ისევე რომ "ეფერებიან", რა უსინდისობითაც არიან დღეს შემძვრალი თავისი გუშინდელი გინების კიდევ ერთი "კრუხის", სალომე ზურაბიშვილის "მზრუნველ" ფრთებქვეშ. "ვაი თქვენდა, მწიგნობარნო და ფარისეველნო, თვალთმაქცნო, გარედან რომ წმენდთ სასმისსა თუ ჯამს, შიგნით კი სავსენი არიან ნაძარცვითა და ნაოხარით".
დღეს "რუსეთუმეებად" შერაცხილი საქართველოს უდიდესი ნაწილი ამერიკელ ხალხთან, და არა ადამი-ანური იერსახის, სქესის, ღირსების დაკარგულ იქაურ ბრბოსთან ზეიმობს ამ ეპოქალურ გამარჯვებას. ჩვენი ბრბო კი თავისი რუსი კოლეგების მწუხარებას იზიარებენ - ამერიკისთვის მისი ოდესღაც სიდიადის დაბრუნების გამო. "ვაი თქვენდა, მწიგნობარნო და ფარისეველნო, თვალთმაქცნო, ასე რომ ჰგავხართ შეფეთქილ საფლავებს, რომლებიც გარედან მშვენიერნი ჩანან, ხოლო შიგნით სავსენი არიან მკვდრების ძვლებითა და ყოველგვარი უწმინდურებით".
გუშინ დიდი ტრანსფორმაციის დღე დადგა საქართველოშიც - რეალური და არა ილუზორული რუსეთუმეების მანტია, "დიადი ამერიკის" აღორძინების მოწინააღმდეგე ძალებმა მოირგეს კოლექტიურად. მათ ორი გამოსავალი რჩებათ: ან ამერიკის მოსახლეობის 200 მილიონი შერაცხონ "რუსებად" ან ეს კუთვნილი სტიგმა საკუთარ, ზატულინის სახელობის ანტი-დიად-ამერიკულ ადგილობრივ პიონერთა რაზმს მიაკუთვნონ. დღეს ქართველ ნეო-"ამერიკანისტებს" - "რუსეთუმეებს" ვეღარ დაგვიძახებენ, გუშინ მათ მენტალურ "მატრიცაში" მოკლე ჩართვა მოხდა, ამიტომაც "განითხინენ ბნელსა მას გარესკნელსა, სადაცა მუნ იყოს ტირილი და ღრჭენაჲ კბილთაჲ"“, - წერს ქართველიშვილი.
