უნგრეთის პრემიერ-მინისტრმა ვიქტორ ორბანმა სოციალურ ქსელ X-ში დაწერა, რომ ამერიკის საპრეზიდენტო არჩევნებში დონალდ ტრამპის გამარჯვება საჭირო იყო მსოფლიოსთვის.
„უდიდესი დაბრუნება ამერიკის პოლიტიკის ისტორიაში! ვულოცავ პრეზიდენტ დონალდ ტრამპს მის უზარმაზარ გამარჯვებას. მსოფლიოს ძალიან სჭირდებოდა ეს გამარჯვება!“, - დაწერა ორბანმა.
აშშ-ში 5 ნოემბერს საპრეზიდენტო არჩევნები გაიმართა. Fox News-ის წინასწარი მონაცემებით, ტრამპმა ამომრჩეველთა კოლეგიის 277 ხმა მიიღო, რაც საკმარისია, რომ ის არჩეულ პრეზიდენტად გამოცხადდეს. მისმა კონკურენტმა „დემოკრატიული“ პარტიიდან კამალა ჰარისმა ამომრჩეველთა კოლეგიის 226 ხმა მიიღო.
