პატივი უნდა ვცეთ ქართველი ხალხის ნებას, ეჭვგარეშეა, რომ მკაფიო უმრავლესობამ ხმა მისცა მმართველ პარტიას, „ქართულ ოცნებას“, – ამის შესახებ გერმანიის პარლამენტის წევრმა, ანდრეი ჰუნკომ სოციალურ ქსელში დაწერა.

გერმანელი დეპუტატის თქმით, როგორც ელექტრონულმა, ასევე ხელით დათვლამ და არასამთავრობო ორგანიზაცია „სამართლიანი არჩევნების“ მიერ პარალელურმა გადამოწმებამ „ქართულ ოცნებას“ დაახლოებით 54 პროცენტი მიანიჭა, უძლიერესმა ოპოზიციურმა ალიანსმა, „კოალიციამ ცვლილებისთვის“ კი 11 პროცენტზე ნაკლები მიიღო.

„ვაკვირდებოდი ასევე 2016 წლის საპარლამენტო არჩევნებს და 2018 წლის საპრეზიდენტო არჩევნების ორივე ტურს საქართველოში ევროსაბჭოს ეგიდით. ასევე, გავრცელდა ინფორმაცია სოფლის ზოგიერთ უბანზე შესაძლო დაშინებისა და ადმინისტრაციული რესურსების ბოროტად გამოყენების შესახებ (ჩემი, რა თქმა უნდა, სუბიექტური შთაბეჭდილებით, უფრო მეტიც, ვიდრე შაბათს). უმაღლესმა საარჩევნო ორგანომ დაუყოვნებლივ მოახდინა რეაგირება ქვეყნის პატარა საარჩევნო უბანზე ვიდეოზე დაფიქსირებულ „ბიულეტენების ჩაყრის“ ერთ შემთხვევაზე. ეს შეუძლებელი იყო საარჩევნო უბნების 90 პროცენტში, რადგან ახლად დანერგილი ხმის მიცემის აპარატები მხოლოდ ერთ ჯერზე აგროვებენ ბიულეტენებს. ყველა დარღვევა უნდა მოგვარდეს, მაგრამ ისინი არ ცვლიან არჩევნების შედეგს. არ არის აუცილებელი, „ქართული ოცნება“ მოგწონდეს, რათა პატივი სცე არჩევნების შედეგებს. არაღიარება იქნება საქართველოს მოსახლეობის უმრავლესობის აშკარა ნების სერიოზული უგულებელყოფა და, შესაბამისად, დემოკრატიული პრინციპების დარღვევა“, – წერს ანდრეი ჰუნკო სოციალურ ქსელში.