არჩევნები ჩატარდა მშვიდ და გამჭვირვალე გარემოში, მონაცემები მეტყველებს, რომ მოქალაქეთა მონაწილეობა გაიზარდა წინა არჩევნებთან შედარებით, მათ გააცნობიერეს ამ საარჩევნო პროცესის მნიშვნელობა, რაც აძლიერებს დემოკრატიას, - განაცხადა ესპანეთის კონგრესის წევრმა, საერთაშორისო დამკვირვებელმა, ხუან ანტონიო დელგადო რამოსმა.
„გუშინ, მთელი დღის განმავლობაში საარჩევნო უბნების მონახულებისას, როგორც დედაქალაქში, ასევე თელავის რეგიონში, პირადად დავრწმუნდი, რომ არჩევნები ჩატარდა მშვიდ და გამჭვირვალე გარემოში. მონაცემები თავისთავად მეტყველებს, რომ მოქალაქეთა მონაწილეობა გაიზარდა წინა არჩევნებთან შედარებით. მოქალაქეებმა გააცნობიერეს ამ საარჩევნო პროცესის მნიშვნელობა, რაც აძლიერებს დემოკრატიას.
საარჩევნო კომისიის მონაცემებით, გამარჯვებული პარტია გახდა „ქართული ოცნება“, თუმცა ეს ასევე ადასტურებს, რომ კონსტიტუციის ფარგლებში ფუნდამენტური რეფორმების გასაგრძელებლად აუცილებელია ოპოზიციის მონაწილეობა.
„ქართული ოცნება“ და ოპოზიცია, ორივე მხარე მონაწილეობდა ამ არჩევნების ჩატარებაში, რაც მნიშვნელოვანია არჩევნების დემოკრატიულად ჩატარებისთვის.
მიუხედავად იმისა, რომ ბოლო პერიოდში გარკვეული სამართლებრივი წინსვლა და რეფორმები განხორციელდა, აუცილებელია უფლებების, მათ შორის ლგბტი ადამიანების უფლებების წინ წაწევა“,- აღნიშნა ხუან ანტონიო დელგადო რამოსმა.
