გვეუბნებიან გამოუშვით მიხეილ სააკაშვილი. ადამიანს, რომელსაც აქვს კონკრეტული დანაშაულები ჩადენილი და აქვს მისჯილი სასჯელი, ევროპარლამენტი იღებს რეზოლუციას და გვეუბნება, რომ ეს ადამიანი უნდა იყოს თავისუფალი. ეს ყველაფერი იფუთება დემოკრატიის სახელით, - განაცხადა თბილისის მერმა კახა კალაძემ.

„ლგბტ პროპაგანდაზე იყო ასევე საუბარი. ჩვენ ვეწინააღმდეგებით პროპაგანდას, ჩვენ ადამიანების უფლებებს უდიდეს პატივს ვცემთ და არ ვყოფთ საზოგადოებას უმრავლესობად და უმცირესობად“, - აღნიშნა კახა კალაძემ.

ვიზალიბერალიზაცია, პერსონალური და რუსეთის წინააღმდეგ სანქციები, ოჯახური ღირებულებებისა და არასრულწლოვანის დაცვის შესახებ კანონი, მიხეილ სააკაშვილის გათავისუფლება - ეს ის საკითხებია, რომლებიც ევროპარლამენტის რეზოლუციის პროექტში აისახა. ევროპელი კანონმდებლები დოკუმენტზე მსჯელობას დღეს აპირებენ.