გახარია შემიძლია შევადარო კომპას დაკარგულ გემს, რომელმაც არ იცის სად წავიდეს, - განაცხადა მედიასთან უმრავლესობის დეპუტატმა ეკა სეფაშვილმა.
მისი თქმით, გახარიამ ხან „ქართულ ოცნებას“ უღალატა, ხან - ოპოზიციას, ამიტომ მისი მოღალატეობრივი ბუნება ყველგან ჩანს.
„იცის, რომ ვიღაცის ბრძანება უნდა შეასრულოს და გარე დავალებებზე უნდა იმუშაოს, თუმცა თვითონ არ იცის რა სურს. ერთია, ქვეყნის სასიკეთოდ მას არაფერი სურს.
ხან „ქართულ ოცნებას“ უღალატა, ახლა ოპოზიციონერებს ღალატობს. ხან ამბობს, რომ „ნაციონალურ მოძრაობასთან“ ალიანსში არ არის, სინამდვილეში კი ზოგიერთ საკრებულოში პირდაპირ ალიანსი და კოალიციები აქვთ შექმნილი. მისი მოღალატეობრივი ბუნება ყველგან ჩანს“, - აღნიშნა სეფაშვილმა.
სალომე ზურაბიშვილის ქარტიაზე ხელმოწერის შემდეგ გიორგი გახარია დოკუმენტს აკრიტიკებს და დასცინის. მეტიც, გახარია ამბობს, რომ მისთვის მიუღებელია პუნქტი, სადაც რიგგარეშე არჩევნებზეა საუბარი.
