აჭარის უმაღლესი საბჭოს წევრი „ქართული ოცნებიდან“, ადამიანის უფლებათა დაცვის საკითხთა კომიტეტის თავმჯდომარე ცოტნე ანანიძე, ქობულეთში, „ქართული ოცნების“ დელეგატად ბიზნესმენ, გია ჭყონიას წარდგენას გამოეხმაურა.

მისი თქმით, გია ჭყონია არის ურეკლამო ქველმოქმედი და მისმა საქმემ ქობულეთის ტურისტული შესაძლებლობები გაზარდა.

„გია ჭყონია საქართველოს პარლამენტში, "ქართული ოცნებიდან" ქობულეთის დელეგატად დასახელდა. მას, შეეძლო, საქართველოს ნებისმიერ კუთხეში აეწყო ბიზნესსაქმიანობა, თუმცა, მშობლიურ ქობულეთში აამოქმედა ბრწყინვალე ობიექტები, რითაც ხელი შეუწყო ქობულეთის ცნობადობის გაზრდასა და პოპულარობას. გარდა ამისა, ცნობილია მისი გაუხმაურებელი ქველმოქმედებები“, - აღნიშნავს ცოტნე ანანიძე.

ირაკლი კობახიძემ საზოგადოებას 22 დელეგატი წარუდგინა, რომლებიც რეგიონებში „ქართული ოცნების“ საარჩევნო კამპანიას გაუძღვებიან