სომხეთში 15-24 ივლისს სომხურ-ამერიკული სამხედრო წვრთნები Eagle Partner 2024 ჩატარდება. ინფორმაციას ამის შესახებ სომხეთის თავდაცვის სამინისტრო ავრცელებს.
სწავლებაში მონაწილეობას მიიღებენ სომხეთის შეიარაღებული ძალების სამშვიდობო ბრიგადის სამხედროები, აგრეთვე აშშ-ის სახმელეთო ჯარების წარმომადგენლები ევროპასა და აფრიკაში და კანზასის ეროვნული გვარდია.
წვრთნების მთავარ მიზანს კონფლიქტურ მხარეებს შორის არსებული დაძაბული სიტუაციის დასტაბილურებისათვის საჭირო ოპერაციების ჩატარება წარმოადგენს.
გარდა ამისა, როგორც სომხეთის თავდაცვის უწყებაში აღნიშნავენ, სწავლება სომხეთის ჯარის საერთაშორისო სამშვიდობო მისიებში მონაწილე სხვა ქვეყნების საჯარისო შენაერთებთან ურთიერთ თავსებადობის ამაღლებას შეუწყობს ხელს.
