ეს არის ანტიკონსტიტუციური კანონი, ამიტომ, რა თქმა, უნდა, ჩვენ მის განხილვაში მონაწილეობას არ მივიღებთ, - ამის შესახებ „ევროოპტიმისტების" წევრმა რომან გოცირიძემ ჟურნალისტებთან საუბრისას განაცხადა.
„მაშინ, როდესაც კონსტიტუციაში არ არის შესაბამისი ცვლილებები შეტანილი, უკვე კანონის დონეზე დააინიცირეს ეს მავნებლური, „რუსული კანონი 2“.
ეს ემსახურება წინასაარჩევნოდ მოსახლეობის გრძნობებზე თამაშს, არ არსებული პრობლემების გამოგონებას“, - აღნიშნა რომან გოცირიძემ.
პარლამენტმა ლგბტ პროპაგანდის წინააღმდეგ „ქართული ოცნების“ ინიცირებული საკანონმდებლო პაკეტის საკომიტეტო განხილვა დაიწყო. კანონპროექტებს დეპუტატები ჯერ 4 კომიტეტის გაერთიანებულ სხდომაზე პირველი მოსმენით განიხილავენ, რის შემდეგაც დღესვე იმსჯელებენ იურიდიულ საკითხთა კომიტეტზე.
