ზაფხული მიწურვამდე სულ ცოტა დრო რჩება და ყველაზე აქტუალური საკითხი ამ პერიოდში ბავშვის სასკოლო სამზადისია. რაც უფრო გადადებთ ამ პროცესს საშემოდგომოდ, ბაზარზე ფასები მით უფრო აიწევს. ამასთან, შემოსულ პროდუქციაზე მეტი მოთხოვნა გაჩნდება, შესაბამისად, შოპინგისას რიგში დგომასაც ვერ აცდებით.

თანამედროვე სამყაროში სასკოლო სამზადისის პროცესი გამარტივებულია. ყველაზე მოთხოვნადი ნივთის, სასკოლო ჩანთის შეძენა ონლაინ უკვე შესაძლებელია. ამ გზით თქვენ დაზოგავთ დროს და ბავშვისთვის ყველაზე მნიშვნელოვან ატრიბუტს ხელსაყრელ ფასად შეარჩევთ.

რა უნდა გავითვალისწინოთ სასკოლო ჩანთის შერჩევისას?

სასკოლო ჩანთის შერჩევის რამოდენიმე კრიტერიუმი არსებობს. ვიზუალის გარდა ამ დროს ისეთ მახასიათებლებზე უნდა გაამახვილოთ ყურადღება, რომელიც ბავშვის ყოველდღიურობას, უსაფრთხოს და კომფორტულს გახდის. ყველაზე მნიშვნელოვან კრიტერიუმებს შორის გამოიყოფა:

• სასკოლო ჩანთის უსაფრთხოება

სასკოლო ჩანთის შერჩევისას თუ მისი მასალა ძლიერ ტოქსიკურ სუნს გამოყოფს, იცოდეთ, რომ ეს ბავშვის ჯანმრთელობაზე უარყოფითად აისახება. საღებავის გამძლეობაც მნიშვნელოვანი ფაქტორია, რათა ჩანთამ ბავშვის ტანსაცმელი არ დააზიანოს.

• ამრეკლი ელემენტები

დაწყებითი კლასის მოსწავლეების გადაადგილება თვალსაჩინო უნდა იყოს მძღოლებისთვის, ამიტომ ამ ასაკის ბავშვებისთვის განკუთვნილ ჩანთებზე მაგრდება ამრეკლი ელემენტები. უმჯობესია ჩანთის შერჩევისას ყურადღება ამ კრიტერიუმზე გაამახვილოთ, რათა ბავშვმა მეტად უსაფრთხოდ იმოძრაოს.

• ჩანთის მასალა

ჩანთების დასამზადებლად გამოიყენება ნატურალური ტყავი, სინთეტიკური მასალები, ბამბა და ა.შ. ასევე შეგიძლიათ აირჩიოთ ნეილონისგან დამზადებული ზურგჩანთა, რომლის გარეცხვაც სარეცხ მანქანაშიც შეიძლება. ამასთან, ჩანთის თასმები მოსწავლეს მხრებში არ უნდა უჭერდეს და მისი სიგანე დაახლოებით 4-5 სმ უნდა იყოს.

• სასკოლო ჩანთის ფუნქციურობა

სასკოლო ჩანთას საკმარისი ჯიბეები უნდა ჰქონდეს წიგნების, რვეულებისა და სხვადასხვა საკანცელარიო ნივთის ჩასაწყობად. ჩანთაში შესაძლებელი უნდა იყოს ლანჩის ყუთის მოთავსებაც.

• სასკოლო ჩანთის დიზაინი

დიზაინი ბავშვისთვის მისაღები უნდა იყოს, ამიტომ უმჯობესია მას არჩევანის თავისუფლება მისცეთ. ამ გზით ის თავის გემოვნებას გაუსვამს ხაზს და ნივთის გამოყენება მისთვის სასიამოვნო გახდება.

სხვადასხვა ტიპის ჩანთებს შორის ასევე გამოიყოფა ორთოპედიული ჩანთებიც, რომლებიც განსაკუთრებით აქტუალურია დაწყებითი კლასის მოსწავლეებისთვის. მსგავსი მოდელები ამცირებს დატვირთვას ზურგზე და სიმძიმეს სწორად ანაწილებს, რაც ბავშვის ნორმალური განვითარებისთვის აუცილებელია.

სასკოლო ჩანთების მრავალფეროვანი მოდელები ლილოშოპზე შეგიძლიათ შეიძინოთ. პლატფორმაზე ხელსაყრელ ფასად სხვადასხვა ტიპის სასკოლო ჩანთას შეიძენთ, რაც ნებისმიერი ასაკის მოზარდისთვის საყვარელი და მოსახერხებელი ნივთი გახდება.