ჩოხატაურის მუნიციპალიტეტში სოფელ ხიდისთავში გურული ღვინის ფესტივალი გაიმართა, რომელსაც გურიაში სახელმწიფო რწმუნებული გიორგი ურუშაძე, ადგილობრივი ხელისუფლების ხელმძღვანელი პირები და მოწვეული სტუმრები დაესწრნენ.
,,ჩოხატაურის მუნიციპალიტეტში უკვე მეორედ ტარდება გურული ღვინის ფესტივალი, რომელიც მიზნად ისახავს გურული ენდემური ჯიშის ყურძნისგან წარმოებული ღვინის პოპულარიზაციას და ასევე, რეგიონში მევენახეობის განვითარებას.
მნიშვნელოვანია, რომ ფესტივალში მონაწილეთა რაოდენობა გაზრდილია და იმედი მაქვს რომ ეს ტრადიციად ქცეული ფესტივალი მომდევნო წლებში უფრო მეტ მასშტაბებს შეიძენს",- აღნიშნა სახელმწიფო რწმუნებულმა.
