ოზურგეთის ისტორიულ მუზეუმში პროგრამის „ოზურგეთის ახალი სიცოცხლე“-ს ფარგლებში მომზადებული ნამუშევრების გამოფენა მოეწყო, რომელსაც სახელმწიფო რწმუნებული გიორგი ურუშაძე, ოზურგეთის მუნიციპალიტეტის მერი ავთანდილ თალაკვაძე, ოზურგეთის მუნიციპალიტეტის საკრებულოს თავმჯდომარე დავით დარჩია, ადგილობრივი ხელისუფლების წარმომადგენლები და მოწვეული სტუმრები დაესწრნენ.
„ოზურგეთის ახალი სიცოცხლე“ საქართველოს ტექნიკურ უნივერსიტეტთან თანამშრომლობით ხორციელდება და მრავალბინიანი საცხოვრებელი სახლების იერსახის განახლებას ისახავს მიზნად.
