თეთრი სახლი აშშ-ის პრეზიდენტის, ჯო ბაიდენის სიტყვებს განმარტავს და აცხადებს, რომ ამერიკელი სამხედროები უკრაინაში არ განლაგდებიან.
პოლონეთში ვიზიტის ფარგლებში, ჯო ბაიდენი ამერიკელ სამხედროებს შეხვდა. ამერიკელ სამხედროებთან სიტყვით გამოსვლისას აშშ-ის პრეზიდენტმა განაცხადა:
როდესაც იქ [უკრაინაში] იქნებით, თქვენ დაინახავთ ქალებს, ახალგაზრდებს, რომლებიც წყეული ტანკის წინ დგანან და ამბობენ: „აქედან არსად წავალ“.
თეთრ სახლში განაცხადეს, რომ ადმინისტრაციის პოზიცია აღნიშნულ საკითხთან დაკავშირებით უცვლელი რჩება.
„პრეზიდენტმა მკაფიოდ განაცხადა, რომ ჩვენ არ ვაგზავნით აშშ-ის ჯარს უკრაინაში და ეს პოზიცია არ შეცვლილა“, - განუცხადა თეთრი სახლის წარმომადგენელმა ტელეკომპანია Fox News-ს.
![ვრცელდება ვიდეო, სადაც ჩანს, როგორ ურტყამს ზვიად რატიანი ხელს პოლიციელს [video]](https://for.ge/uploads/images/thumbs/1750865324_303596.png)
![ენგურჰესი [ვიდეო]](https://for.ge/uploads/images/thumbs/1751265941_303840.jpg)
