ადვოკატი გელა მამუკაშვილი სოციალურ ქსელში შემდეგი სახის პოსტს აქვეყნებს:

"ირაკლი ღარიბაშვილი არის ის კაცი, ვინც პარტნიორებს ევროპიდან და შეერთებული შტატებიდან ეტყვის, რომ რაც დღეს საქართველოში ხდება, გარკვეულწილად არის მათი დამსახურება. აღნიშნულს ეტყვის თავაზიანად, დიპლომატიურად, მაგრამ მკაფიოდ, პირუთვნელად და ღირსეულად. არა მარტო ეტყვის, არამედ  აუხსნის და თხოვნასაც დაურთავს, რომ დღეის შემდეგ მაინც დაუჭირონ მხარი ამ ქვეყანას და მის ხალხს და არა კონკრეტულ პოლიტიკურ ძალებს, რომლებიც დაბრკოლებად იქცნენ ამ ქვეყნის წინსვლისა და განვითარების საქმეში.                                                                      

ეს კაცი იმსახურებს თანადგომას, ის ჩვენი ღირსებისთვის საკუთარ თავს აყენებს საფრთხის ქვეშ. დასავლეთი თუ დაინახავს ქმედით მხარდაჭერას, ქვეყანაზე წნეხი იქნება განუზომლად ნაკლები და პირიქით, დახმარება იქნება უპრეცედენტო. ისინი დაინახავენ, რომ ეს ხალხი თავისუფლებას და თვითმყოფადობას არაფრის ფასად არ დათმობს. ისინი მოცემულ რეალობას გაუსწორებენ თვალს. ეს კი იქნება ამ ქვეყანაში მშვიდობისა და განვითარების წინაპირობა, რა თქმა უნდა, ჩვენს პატრიოტიზმსა და შრომისმოყვარებასთან ერთად.                                      

ირაკლი ღარიბაშვილის, ისევე როგორც პარტია "ქართული ოცნების" გვერდით დადგომა დღეს არის მშობლიური ქვეყნის ერთგულება, ყველა ჩვენთაგანის ღირსების და კეთილდღეობის ნების მკაფიო გამოხატვა.                                                                                                

აუცილებლად წადით არჩევნებზე და ხმა მიეცით "ქართულ ოცნებას", მის მერობისა და დეპუტატობის კანდიდატებს, მიუხედავად იმისა, მოგწონთ თუ არა ცალკეული პირები. ეს პირველ რიგში თქვენ, თითოეულ თქვენგანს სჭირდება".