რეპუტაციული პრობლემა „ნაციონალურ მოძრაობას“ შეექმნა მაშინ, როდესაც მან დაიჭირა ის პოზიცია, რომელიც დაკავებული ჰქონდა ამ პერიოდის განმავლობაში. ეს არ იყო სწორი და ძალიან თვალსაჩინოდაც გამოჩნდა, - ამის შესახებ ჟურნალისტებს ადამიანის უფლებათა დაცვის კომიტეტის თავმჯდომარე მიხეილ სარჯველაძემ განუცხადა.
„ახლაც, როდესაც ისინი ცდილობენ, სრულიად აუხსნელი გადაწყვეტილება შესთავაზონ თავიანთ ამომრჩევლებს, მათ შორის, რომ შემოდიან პარლამენტში, უპირისპირდრებიან შარლ მიშელის დოკუმენტს - ეს ბევრ კითხვის ნიშანს ბადებს, კითხვის ნიშნების არსებობა კი არ უყვარს ამომრჩეველს“, - განაცხადა მიხეილ სარჯველაძემ.
