„2021 წლის 1 კვარტალში ბიზნეს სექტორის მოცულობა გასული წლის იგივე მაჩვენებელზე 11.3% -ით მეტია და 28,9% შეადგენს, რაც მეტად პოზიტიური დინამიკაა .პირველ კვარტალში მთლიანი ბრუნვა მსხვილ ბიზნესზე 65,3% იყო, საშუალოზე -16%, ხოლო მცირეზე  - 18%“,-  განაცხადა საპარლამენტო უმრავლესობის წარმომადგენელმა რიმა ბერაძემ პარლამენტის სხდომაზე, სადაც მინისტრის საათის ფორმატში ფინანსთა მინისტრს, ლაშა ხუციშვილს უსმენენ. 

რიმა ბერაძე დაინტერესდა,  რა მოლოდინი აქვს ფინანსთა სამინისტროს ამ მაჩვენებლებთან დაკავშირებით. 

დეპუტატის თქმით, ქვეყნის საგარეო და საშინაო ვალის მოცულობების სტატისტიკა  საზოგადოების ინტერესის საგანია. აქედან გამომდინარე, დეტალურ განმარტებას საჭიროებს, რა მიზნით და მოტივით იღებს ქვეყანა საგარეო ვალს და  რაში ხმარდება საზოგადოებას, განსაკუთრებით, პანდემიის პირობებში. 

„სახელისუფლებო გუნდის სწორი ეკონომიკური გათვლებისა და ნაბიჯების პარალელურად ლარმა გამყარება დაიწყო“, -აღნიშნა რიმა ბერაძემ. დეპუტატის კითხვები   ინფლაციასთან მიმართებაში პროგნოზებსა და ფინანსთან სამინისტროს მიერ  ლარის კურსის სტაბილიზაციის უზრუნველსაყოფად გადადგმულ ნაბიჯებს ეხებოდა.