საკმაოდ სამწუხარო ფაქტი მოხდა დმანისში. პოლიცია ჩართულია, შსს, მიმდინარეობს გამოძიება. როგორც ვიცით, ამასთან დაკავშირებით შინაგან საქმეთა სამინისტრომ რამდენიმე განცხადება გააკეთა, - ამის შესახებ ეკონომიკის მინისტრმა, ნათია თურნავამ განაცხადა.
„მნიშვნელოვანია, რომ ეს პრაქტიკულად ყოფით ნიადაგზე დაწყებული კონფლიქტი არ იყოს წარმოჩენილი, როგორც ეთნიკურ ნიადაგზე დაპირისპირება, რაც აბსოლუტურად მიუღებელი იქნება“, - განაცხადა ნათუა თურნავამ.
ინციდენტი დმანისში, ერთ-ერთ მაღაზიასთან მოხდა და ხელჩართულ ჩხუბში გადაიზარდა. სცემეს მაღაზიის მეპატრონეს და განადგურებულია სავაჭრო ობიექტის ინფრასტრუქტურა. ერთ-ერთი მაღაზიის სათვალთვალო კამერით გადაღებულ კადრებში ჯოხებით შეიარაღებული ახალგაზრდები ერთმანეთს სცემენ. ფაქტზე მიმდინარეობს გამოძიება.
