ყველასთვის ცხადი გახდა, რომ ეს ხელოვნურად შექმნილი ე.წ. კრიზისი, რომლის მთავარ პრობლემად წარმოჩენასაც ოპოზიციაში ცდილობენ, სინამდვილეში თავად რადიკალური ოპოზიციის მწვავე კრიზისია, - ამის შესახებ პრემიერ-მინისტრმა ირაკლი ღარიბაშვილმა მთავრობის სხდომაზე განაცხადა.

მისივე თქმით, „ევროპა კიდევ უფრო კარგად ერკვევა ჩვენს ვითარებაში და ქართველმა ხალხმაც ცხადად დაინახა, თუ ვის რა ინტერესები ამოძრავებს“.

„ჩვენ მადლიერი ვართ ჩვენი მეგობრების, შარლ მიშელისა და კრისტიან დანიელსონის ძალისხმების. მიუხედავად იმისა, რომ საბოლოო შეთანხმება არ შედგა, ეს პროცესი მაინც ყველასთვის მნიშვნელოვანი იყო. ევროპა კიდევ უფრო კარგად ერკვევა ჩვენს ვითარებაში და ქართველმა ხალხმაც ცხადად დაინახა, თუ ვის რა ინტერესები ამოძრავებს, ეს კი ნამდვილად სასარგებლო გამოცდილებაა ჩვენთვის“, - განაცხადა ღარიბაშვილმა.