ექსპერტი სოსო მანჯავიძე სოციალურ ქსელში შემდეგი სახის პოსტს აქვეყნებს:

„მეცინებოდა გუშინ შარლ მიშელთან შეხვედრას რომ ვუყურებდი, რადგან ,, მაიტა ნასოსის" იქით ამათი ტვინი რომ ვერ წავიდოდა, კარგად ვიცოდი.

თუმცა უნდა ვაღიარო-დღესვე თუ დაარღვევდნენ  პირობებს, მეც ვერ წარმომედგინა.

მაგრამ , თავშეკავება რომ შეეძლოს, გიჟი ჭკვიანი იქნებოდა.

რამდენი ხანია ვიძახი,  მსოფლიო ფსიქიატრთა ასოციაციას მივმართოთ დასახმარებლად, გავაკეთოთ ფსიქიატრიული პატრული, შევამოწმოთ ის ხალხი, თავი პარტიები რომ გონიათ, ვუმკურნალოთ-თქო.

შეაყარე კედელს ცერცვი.

ესენი ადგნენ და საპარლამენტო მოდელი შემოიღეს და პროპორციული  არჩევნები  ნულოვანი ბარიერით.

ვეუბნებოდი, არ გინდათ, პარლამენტსაც ვერ დააკომპლექტებთ, მუდმივად იქნება არასტაბილურობა, ქვეყანა აირევა და ა. შ

კვლავ კედლის და ცერცვის ისტორია გამოვიდა.

ჰოდა, რახან შარლ მიშელმა ვერ გვიშველა, ახლა მორიგეობით ყველა უნდა ჩამოვიყვანოთ. ეუთო, ევროკავშირის კომისრები , ნატოს გენერალური მდივანი, სი- ძინ- პინი და აიათოლა ალი ხამენეი, გაერო,  აფრიკული კავშირი და არაბული ლიგა.

ასე მაინც მივიქცევთ ყურადღებას, დავამარცხებთ ოკუპანტს და მუდმივად ვიქნებით რადარებზე.

მერე, როცა ყველა ჩვენს ჭკუაზე დადგება, შეიძლება უფრო ამბიციური გეგმებიც განვახორციელოთ-მაგალითად მსოფლიო პოლიტიკური ცენტრი გავხდეთ.

ტიტე ნატუტარის არ იყოს- ვინაა ჩვენზე დიდი თეორეტიკოსი?

ვერც ბუხრის წინ ჯდომაში, ნაცრის ქექვაში და კაცობრიობის ბედზე საუბრის სიყვარულში შეგვეჯიბრება ვინმე.

წინ დიდი საქმეები გველის. აღსდექ, საქართველო“!