13:19, 25.02.2021
სომხეთის პრემიერ-მინისტრი, ნიკოლ ფაშინიანი ქვეყნის გენშტაბის განცხადებას სამხედრო გადატრიალების მცდელობად აფასებს.
მედიის ინფორმაციით, ამის შესახებ სომხეთის მთავრობის მეთაურმა სოციალურ ქსელ „ფეისბუქში“ პირდაპირი ჩართვისას განაცხადა.
სომხეთის პრემიერ-მინისტრმა მომხრეებს რესპუბლიკის მოედანზე შეკრებისკენ მოუწოდა.
„გენერალური შტაბის განცხადება სამხედრო გადატრიალების მცდელობად მიმაჩნია. ახლავე ჩვენს ყველა მომხრეს ვიწვევ რესპუბლიკის მოედანზე. უახლოეს მომავალში პირდაპირ ეთერში დავუკავშირდები საზოგადოებას“, – განაცხადა ფაშინიანმა.
ვრცელდება ინფორმაცია, რომ ნიკოლ ფაშინიანმა გენშტაბის უფროსი, ონიკ გასპარიანი თანამდებობიდან გადააყენა. მანამდე სომხეთის შეირაღებული ძალების გენშტაბმა სომხეთის პრემიერ-მინისტრს გადადგომისკენ მოუწოდა. სომხეთის გენშტაბმა ხელმძღვანელის პირველი მოადგილის, ტირან ხაჩატურიანის გათავისუფლება გააპროტესტა. განცხადებაში აღნიშნულია, რომ სომხეთის პრემიერ-მინისტრს და ქვეყნის მთავრობას ადეკვატური გადაწყვეტილებების მიღების უნარი აღარ შესწევთ.
![საქართველოს პრეზიდენტი მიხეილ ყაველაშვილი [პირველ რიგში] მსოფლიოს ლიდერებთან ერთად რომის პაპის დაკრძალვას ესწრება (ვიდეო)](https://for.ge/uploads/images/thumbs/1745658091_300052.jpg)
