ეროვნული უსაფრთხოების საკითხებში აშშ-ის პრეზიდენტის მრჩეველმა, რობერტ ობრაიენმა განაცხადა, რომ იმ შემთხვევაში, თუ სასამართლოები დონალდ ტრამპის სასარგებლოდ გადაწყვეტილებას არ მიიღებენ, ხელისუფლების გადაბარების პროცესი შედგება.

„ხელისუფლების გადაბარება შედგება, თუ სასამართლოები არ მიიღებენ გადაწყვეტილებას პრეზიდენტ ტრამპის სასარგებლოდ. მაგრამ პრეზიდენტ ტრამპს არ ამოუწურავს სამართლებრივი საშუალებები. ჩვენ ვართ კანონის უზენაესობაზე დაფუძნებული ქვეყანა და პრეზიდენტმა სასამართლოს მიმართა, რადგან მას აქვს ამის უფლება, როგორც ამერიკის მოქალაქეს. მას შემდეგ, რაც სასამართლო გადაწყვეტილებას მიიღებენ, ჩვენ განვაგრძობთ სვლას“, - განაცხადა ეროვნული უსაფრთხოების საკითხებში აშშ-ის პრეზიდენტის მრჩეველმა.

9 ნოემბერს დონალდ ტრამპის საარჩევნო შტაბის ხელმძღვანელმა, ბილ სტეპინმა აღნიშნა, რომ რამდენიმე გადამწყვეტ შტატში დონალდ ტრამპის გუნდი სამართლებრივ დავებს აწარმოებს არჩევნებში დაფიქსირებულ დარღვევებთან დაკავშირებით.

ამერიკული მედიის პროგნოზით, 3 ნოემბრის არჩევნები აშშ-ში ჯო ბაიდენმა მოიგო. მას ახლა კოლეგიაში 306 ხმა აქვს, რაც ხმების საჭირო რაოდენობას (270) აღემატება.