NDI-ის კვლევის მიხედვით, გამოკითხულთა 44% ფიქრობს, რომ სიტყვის თავისუფლების მიხედვით ქვეყენაში მდგომარეობა სწორი მიმართულებით ვითარდება, 31% ფიქრობს, რომ საერთოდ არ იცვლება, 19% ფიქრობს, რომ სიტყვის თავისუფლების მიხედვით, სიტუაცია არასწორი მიმართულებით ვითარდება.

რაც შეეხება ხელმისაწვდომ სამედიცინო მომსახურებას – 42% ფიქრობს, რომ ამ კუთხით ქვეყანაში მდგომარეობა სწორი მიმართულებით ვითარდება, 29% საერთოდ არ იცვლება, 26% მიიჩნევს, რომ სიტუაცია ხელმისაწვდომი სამედიცინო მომსახურების კუთხით არასწორი მიმართულებით ვითარდება.

ევროკავშირში გაწევრიანება – 38% ფიქრობს, რომ ამ მიმართულებით ქვეყანაში მდგომარეობა სწორი მიმართულებით ვითარდება, 37% მიიჩნევს, რომ საერთოდ არ იცვლება, 13%-ის აზრით კი მდგომარეობა ევროკავშირში გაწევრიანების კუთხით არასწორი მიმართულებით ვითარდება.

მედიის დამოუკიდებლობა – 37% მიიჩნევს, რომ მედიის დამოუკიდებლობის კუთხით მდგომარეობა სწორი მიმართულებით ვითარდება, 32% ფიქრობს, რომ საერთოდ არ იცვლება, 19% -ს აზრით კი არასწორი მიმართულებით ვითარდება.

განათლება – 35% მიიჩნევს, რომ განვითარების კურსი სწორი მიმართულებით ვითარდება, 30%-ის აზრით, საერთოდ არ იცვლება, 28 % ფიქრობს, რომ არასწორი მიმართულებით ვითარდება

ადამიანის უფლებები – 30% ფიქრობს, რომ ამ მიმართულებით ქვეყანაში მდგომარეობა სწორი მიმართულებით ვითარდება, 35%-ის აზრით, საერთოდ არ იცვლება, 29% მიიჩნევს, რომ სიტუაცია ხელმისაწვდომი სამედიცინო მომსახურების კუთხით არასწორი მიმართულებით ვითარდება.

ნატო-ში გაწევრიანება – 29% მიიჩნევს, რომ ამ მიმართულებით ქვეყანაში მდგომარეობა სწორი მიმართულებით ვითარდება, 41%-ის აზრით, საერთოდ არ იცვლება, 15%-ი კი ფიქრობს, რომ არასწორი მიმართულებით ვითარდება.

სამართლიანი არჩევნები – 28% ფიქრობს, რომ ამ მიმართულებით ქვეყანაში მდგომარეობა სწორი მიმართულებით ვითარდება, 29% – საერთოდ არ იცვლება, 35% – არასწორი მიმართულებით ვითარდება.

სასამართლო სისტემა – გამოკითხულთა 33%-ი მიიჩნევს, რომ სასამართლო სისტემა არასწორი მიმართულებით ვითარდება, 30%-ი ამბობს, რომ სასამართლო სისტემაში საერთოდ არაფერი იცვლება, 16%-ი მიიჩნევს, რომ სისტემა სწორი მიმართულებით ვითარდება.

გამოკითხვის საველე სამუშაოები 6-20 დეკემბერს ჩატარდა. სულ გამოკითხვაში მონაწილეობა 2205 – მა ადამიანმა მიიღო.

ცდომილების ზღვარი 2,1%-ს შეადგენს.