მცირე ფერმერთა კოოპერაციის ხელშეწყობა გრძელდება. საქართველოს სოფლის მეურნეობის სამინისტროს სასოფლოს-სამეურნეო კოოპერატივების სააგენტოსთან კოორდინაციით, ,,ევროპის სამეზობლო პროგრამა სოფლის მეურნეობისა და სოფლის განვითარებისათვის“ (ENPARD) პროექტის ფარგლებში, ჩეხურმა არასამთავთავრობო ორგანიზაციამ PIN (People in Need) I რაუნდის საგრანტო კონკურსში გამარჯვებულ იმერეთისა და რაჭის რეგიონში შექმნილ 5 სასოფლო-სამეურნეო კოოპერატივს 5 ერთეული ტრაქტორი გადასცა. ღონისძიებას სოფლის მეურნეობის მინისტრის მოადგილე გოჩა ცოფურაშვილი და სასოფლო-სამეურნეო კოოპერატივების განვითარების სააგენტოს თავმჯდომარე გიორგი მიშელაძეესწრებოდნენ.
ENPARD-ის პროექტის ფარგლებში, PIN-ის კონსორციუმის ხელშეწყობით პირველი რაუნდის საგრანტო კონკურსის შედეგად, შერჩეული იქნა 9 საუკეთესო კოოპერატივი. ჩეხურმა არასამთავთავრობო ორგანიზაციამ PIN (People in Need) კონკურსში გამარჯებული სასოფლო-სამურნეო კოოპერატივებისათვის ქვე-გრანტების გაცემა დაიწყო; პირველი ეტაპზე ტრაქტორები გადაეცა შემდეგ კოოპერატივებს:
- მეღვინეობის კოოპერატივი „ჯვარისა“ -ამბროლაური
- მეღვინეობის კოოპერატივი „ თერჯოლის ღვინო“-თერჯოლა
- მეღვინეობის კოოპერატივი „მეღვინეობა საზანო“ - თერჯოლა
- ვაზის სანერგე მეურნეობის, სიმინდის წარმოების კოოპერატივი „მშვილდი +“ - ბაღდათი
- მეფრინველეობის კოოპერატივი „საწირე“ - ტყიბული
პირველი რაუნდში გამარჯვებული 9 კოოპერატივის ქვე-გრანტებზე მოთხოვნილმა თანხამ შეადგინა დაახლოებით 550 000 ლარი. ტექნიკური გრანტის სრული ღირებულების 25 % არის კოოპერატივებისგან მოთხოვნილი თანადაფინანსება.
ტრაქტორების გადაცემის ღონისძიებას პროექტში ჩართული მხარეები - სოფლის მეურნეობის სამინისტროს, იმერეთის და რაჭის სამხარეო ადმინისტრაციის, ENPARD-ის კონსორციუმის წარმომადგენლები ესწრებოდნენ.
