„ჯორჯიან უოთერ ენდ ფაუერი" კვლავაც „ვერცხლის ლიგის" ერთადერთ დაუმარცხებელ გუნდად რჩება. ბიზნესის ჩემპიონთა „ვერცხლის ლიგის" მეოთხე ტურის შეხვედრა, რომელიც გოლების სიმცირის მიუხედავად, დაძაბულად წარიმართა, ისევ და ისევ GWP-ის გამარჯვებით დასრულდა. თბილისის წყალგამანაწილებელმა კომპანიამ „საქრუსენერგოს" გუნდს 2-1 მოუგო და, ჩატარებული ოთხი ტურის შედეგების მიხედვით, ლიგის ერთპიროვნული ლიდერის სტატუსი შეინარჩუნა.
„ვერცხლის ლიგის" მორიგი თამაშები მიმდინარე კვირის ბოლოს გაიმართება. შეხვედრებს, ტრადიციულად, ჯემალ ცერცვაძის სახელობის ხელბურთის აკადემია უმასპინძლებს.
