საქართველოს მესამე პრეზიდენტი მიხეილ სააკაშვილი სუს-ის მიერ არეულობის მოწყობასთან დაკავშირებით გავრცელებულ ინფორმაციას ეხმაურება.
მისი თქმით, ივანიშვილს ყველა არჩევნების წინ ჩანაწერების გამოქვეყნება და არეულობის თემით სპეკულირება დაუძველდა.
„რეალობა არის შემდეგი - არჩევნები უნდა ჩატარდეს პატიოსნად, ვაშაძე იგებს ყველა გამოკითხვით, სალომე ზურაბიშვილი დამარცხდება და გაყალბება არ გამოვა, როგორც არ გამოვიდა გაყალბება იანუკოვიჩს, როგორც არ გამოუვიდა გაყალბება თავის დროზე შევარდნაძეს, როგორც არ გამოუვიდა გაყალბება მალაიზიაში ამ ცოტა ხნის წინ, როგორც არ გამოვიდა სომხეთში, ჩვენს მეზობელთან გაყალბება. საქართველოში ჩატარდება არჩევნები, ძალიან ბევრი ხალხი მოვა არჩევნებზე, აირჩევენ მშვიდობიანად და წყნარად გია ვაშაძეს. საქართველოში იქნება პრეზიდენტი, რომელიც იქნება ხალხის მხარეს და გაატარებს ხალხის პოლიტიკას. რა თქმა უნდა, აქვთ გეგმები რაღაცების, რომ ყველაფერი მოიპარა, ქართველი ხალხი მან გაძარცვა და ახლა რა თქმა უნდა, ხელები ექავება, რომ მოიპაროს ეს არჩევნებიც, მაგრამ ეს არ გამოუვა იმიტომ, რომ ხალხმა მისი მოტყუების კბილი დიდი ხანია გამოიცვალა, ძველი მეთოდები დაუძველდა მას ამიტომ, მე ვფიქრობ, ჩვენ უნდა ვიყოთ წყნარად, ძალიან დამაჯერებლად ვლიდერობთ, ყველა დამოუკიდებელი გამოკითხვებით, მათაც ეს კარგად იციან. "ოცნებაში" არიან სულ პანიკაში და აგონიაში და ხან რა სისულელეს მოიგონებენ ეს დღეები, ხან რას, მაგრამ არ აცდებათ მათ ეს მარცხი" - აღნიშნა საქართველოს მესამე პრეზიდენტმა.
