რუსეთის გენერალური პროკურორის მოადგილე სააკ კარაპეტიანი ვერტმფრენის ჩამოვარდნის შედეგად სავარაუდოდ, დაიღუპა. ამის შესახებ სააგენტო „ტასი“ საგანგებო სამსახურებზე დაყრდნობით წერს.
ავიაკატასტროფა კოსტრომის ოლქში მოხდა. წინასწარო ინფორმაციით, კარაპეტიანი AS-350-ის ტიპის ვერტმფრენის ბორტზე იმყოფებოდა. ავიაკატასტროფას სულ სამი ადამიანი ემსხვერპლა.
58 წლის სააკ კარაპეტიანი გენერალური პროკურორის მოადგილის თანამდებობას 2016 წლიდან იკავებს. 2006-2016 წლებში ის გენერალური პროკურატურის საერთაშორისო-სამართლებრივი თანამშრომლობის მთავარ სამმართველოს ხელმძღვანელობდა.
