7 სექტემბერს, თურქეთის, საფრანგეთის, გერმანიისა და რუსეთის ლიდერების სამიტი გაიმართება, რომელზეც ახლო აღმოსავლეთში არსებულ ვითარებას განიხილავენ. ამის შესახებ თურქეთის პრეზიდენტმა რეჯებ თაიპ ერდოღანმა განაცხადა.
„ჩვენ შევხვდებით და განვიხილავთ საკითხს, თუ რა შეგვიძლია გავაკეთოთ რეგიონში“, - განაცხადა ერდოღანმა.
მანვე აღნიშნა, რომ აპირებს რუსეთთან და ირანთან თანამშრომლობის გაგრძელებას და დასძინა, რომ ამ ფორმატს სტამბოლში დაგეგმილ სამიტთან არავითარი კავშირი არ გააჩნია.
