აშშ მოხარული იქნება საქართველო ნატო-ს წევრად იხილოს, - ამის შესახებ ნატო-ში აშშ-ს მუდმივმა წარმომადგენელმა კეი ბეილი ჰათჩისონმა დღეს განაცხადა.
„ჩვენ მოხარულები ვიქნებით საქართველო ნატო-ს წევრად ვიხილოთ, თუ ამას თვითონ საქართველო გადაწყვეტს და ყველა პირობას დააკმაყოფილებს“, - განაცხადა ჰათჩისონმა ალიანსის წევრი ქვეყნების ლიდერების სამიტის წინ გამართულ ბრიფინგზე.
შეგახსენებთ, რომ დღეს გამართულ პრესკონფერენციაზე ნატო-ს გენერალურმა მდივანმა იენს სტოლტენბერგმა კიდევ ერთხელ დაადასტურა, რომ 2008 წლის ბუქარესტის სამიტის გადაწყვეტილება ძალაში რჩება და რომ საქართველო ნატო-ს წევრი გახდება.
