ახლოვდება ახალი წელი და მიზანმიმართულად ხდება ამ საკითხის წამოწევა, რაში გვჭირდება განათებები, რაში გვჭირდება ახალი წელი, გასულ წლებშიც საახალწლო სამზადისთან მიმართებით, იგივე დამოკიდებულება და მიდგომები იყო. მაქსიმალურად ცდილობენ, რომ ქვეყანაში დეპრესიისა და ნიჰილიზმის შეგრძნება. მათი ქმედებები და მოწოდებები მიმართულია მხოლოდ და მხოლოდ იმისკენ, რომ რაც შეიძლება დაამძიმონ სიტუაცია“, - ამის შესახებ „ქრონიკას“ თბილისის მერმა, „ქართული ოცნების“ გენერალურმა მდივანმა, კახა კალაძემ განაცხადა.
კახა კალაძის განცხდებით, თბილსიში, საქართველოში არასდროს არ იქნება სიბნელე. „არც ჩვენი ქვეყანა და არც ჩვენი დედაქალაქი არ დაბრუნდება სიბნელეში. კორონავირუსს ახალი წელი არ მოუკლავს, ახალ წელს ელოდებიან ბავშვები, ახალგაზრდები, ყველა ადამიანისთვის ეს მნიშვნელოვანი დღესასწაულია. ჩვენ ყველაფერს გავაკეთებთ იმისთვის, რომ ეს დღესასწაული შედგეს. ქალაქი წელსაც მოირთვება, იქნება ლამაზი, მოკრძალებული, შეიძლება ისე ვერ გავაკეთოთ, როგორც წინა წლებში, მაგრამ გპირდებით, საახალწლოდ მორთული დედაქალაქი ძალიან ლამაზი იქნება“, - აღნიშნა კალაძემ.
თბილისის მერის განცხადებით, ასევე იგეგმება საახალწლო სოფლის მოწყობა, თუმცა ამ საკითხზე კომენტარი ეპიდემიოლოგიური მდგომარეობიდან გამომდინარე მოგვიანებით გაკეთდება.
