„ზუსტი თარიღების დასახელება ჯერჯერობით ძალიან რთულია", - ამის შესახებ პრემიერ-მინისტრის სპეციალურმა წარმომადგენელმა რუსეთთან ურთიერთობის საკითხებში ზურაბ აბაშიძემ რუსეთის ფედერაციასთან სახმელეთო საზღვრის აღდგენის საკითხთან დაკავშირებით PIA.GE- ს განუცხადა.
დიპლომატის თქმით, სახმელეთო საზღვრის გახსნა ეპიდემიოლოგიურ ვითარებაზეა დამოკიდებული.
„როცა ეპიდემიოლოგიური ვითარება მოგვცემს ამის საშუალებას, საზღვრის გახსნის საკითხი ამის შემდეგ განიხილება. ზუსტი თარიღების დასახელება ჯერჯერობით ძალიან რთულია", - აღნიშნა ზურაბ აბაშიძემ.
ცნობისთვის, საქართველოსა და რუსეთს შორის სახმელეთო მიმოსვლა 16 მარტიდან კოვიდ-19-ის პანდემიის გამო შეწყდა.
