კაიროში სროლის შედეგად 8 სამართალდამცველი დაიღუპა. ეგვიპტის შინაგან საქმეთა სამინისტროს ინფორმაციით, უცნობმა შეიარაღებულა პირებმა დედაქალაქის სამხრეთში პოლიციის ავტომობილს ცეცხლი გაუხსნეს, შემდეგ კი ადგილიდან მიიმალნენ.
სააგენტო „როიტერი“ თვითმხილველებზე დაყრდნობით წერს, რომ თავდამსხმელებს ნიღბები ეკეთათ. პასუხისმგებლობა ინციდენტისთვის ჯერჯერობით არც ერთ დაჯგუფებას არ აუღია. მომხდართან დაკავშირებით დაწყებულია გამოძიება.
