“რუსთავი 2“-ის გენერალური დირექტორის ყოფილმა მოადგილემ გიორგი ლაფერაშვილმა, განაცხადა რომ „ქართულ ოცნებასთან“ დაახლოებულმა პირმა შესთავაზა ეტაპობრივად მისი პრობლემების მოგვარება და დაპირდა ხელფასის 30%-იანი მატებასაც. „ქართულ ოცნებასთან“ დაახლოებულმა პირმა შემომთავაზა ეტაპობრივად ჩემი პრობლემების მოგვარება და ხელფასის 30%-იანი მატებაც.

აბსოლუტურად გაურკვეველია, რამდენიმე დღის წინ სალიამ რა დამატოვებინა, როდესაც 19 ივლისის დილით, ანუ სტრასბურგის სასამართლოს გადაწყვეტილების მერე, პირადი განცხადების საფუძველზე დავტოვე „რუსთავი 2“. ეს ჩემმა ხელქვეითებმა და ზემდგომმა პირებმაც იცოდნენ. ისე, მათი თხოვნა, რომ შვებულება დამეწერა და ამ ფორმით წავსულიყავი და გავითვალისწინე. უკან მიბრუნებას რომ არ ვაპირებდი, ყველამ იცოდა. ხალვაშს თუ პრობლემა აქვს სარედაქციო პოლიტიკასთან, შეეძლო თავიდანვე ეთქვა, რა საჭირო იყო ეს ერთთვიანი კატათაგვობანა? თუ ასე ძალიან უნდა „კურიერი“, რომლის შესახებაც თვალცრემლიანი ლაპარაკობდა თათბირებზე, გაუგებარია, ეს რა გაითამაშა? თავის დროზე, 2006 წელს, ისე მივედი მის ტელევიზიაში სამუშაოდ, სანამ არ წამოვედი, საჭიროდ არ ჩაუთვლია, გამარჯობა ეთქვა“,- განაცხადა ლაფერაშვილმა.

მისივე თქმით, შესაძლოა, სასამართლოს მიმართოს პატივისა და ღირსების შელახვისთვის ხალვაშს სასამართლოში უჩივლოს.

„ვერ მივიღებ ბრალდებას, რომ ვიღაცის ხელფასს ვჭამდი, რომ თანამშრომლებს შიოდათ და მე მაძღარი ვიჯექი. მარტო თანხის გაცემის უწყისებს რომ აფრიალებენ, იმავე დღეს თანხის მიღების უწყისებიც ააფრიალონ. შავი პიარის აგორებას ცდილობენ. არ გამოვრიცხავ, რომ სასამართლოს მივმართო საპასუხო სარჩელით პატივისა და ღირსების შელახვისთვის“,- განაცხადა ლაფერაშვილმა.

შეგახსენებთ, 20 აგვისტოს არხის გენერალურმა დირექტორმა პაატა სალიამ განაცხადა, რომ გიორგი ლაფერაშვილი, ნოდარ მელაძესთან, ნანუკა ჟორჟოლიანთან და გიორგი გაბუნიასთან ერთად სამსახურიდან გაათავისუფლა.