მწიფდება ის დრო, როდესაც საქართველო აუცილებლად გახდება ნატო-ს წევრი
მთავარი

მწიფდება ის დრო, როდესაც საქართველო აუცილებლად გახდება ნატო-ს წევრი

მწიფდება ის დრო, როდესაც საქართველო აუცილებლად გახდება ნატო-ს წევრი
ipn

2018-07-12 17:25:28

მწიფდება ის დრო, როდესაც საქართველო აუცილებლად გახდება ნატო-ს წევრი, - ამის შესახებ საქართველოს საგარეო საქმეთა მინისტრმა დავით ზალკალიანმა ამერიკის შეერთებული შტატების პრეზიდენტის, დონალდ ტრამპის განცხადების შეფასებისას აღნიშნა. 

როგორც ზალკალიანმა განაცხადა, ნატო-ს პარტნიორი ქვეყნები, ყველა ერთხმად აღიარებს, რომ საქართველო აუცილებლად გაწევრიანდება ნატო-ში. თუმცა, მისივე თქმით, წევრების გარკვეული რაოდენობა ვერ თანხმდება ვადებთან დაკავშირებით, თუ როდის უნდა მოხდეს ეს. 

„უდვოა, ნატო-ს პარტნიორი ქვეყნები ყველა ერთხმად აღიარებს, რომ საქართველო აუცილებლად გაწევრიანდება ნატო-ში. ეს იყო ჯერ კიდევ 10 წლის წინ ბუქარესტში მიღებული გადაწყვეტილება, რომელიც კიდევ ერთხელ დადასტურდა დღეს. ითქვა, რომ საქართველო აუცილებლად გახდება ნატო-ს წევრი. ჩვენ გვქონდა ძალიან ინტენსიური დისკუსია უმაღლესი დონის ფორმატში, რომელშიც მონაწილეობა მიიღეს ნატო-ს წევრი ქვეყნების სახელმწიფოს მეთაურებმა. ძალიან პოზიტიურად იყო შეფასებული ის პროგრესი, რომელიც ქვეყანას გააჩნია ნატო-ს წევრობის გზაზე, მაგრამ ფაქტია, რომ წევრების გარკვეული რაოდენობა ვერ თანხმდება ვადებთან დაკავშირებით, თუ როდის უნდა მოხდეს ეს. ფაქტი, რომ საქართველო ნატო-ს წევრი გახდება ამაზე არის სრული კონსენსუსი. 

გარდა ამისა, უნდა აღინიშნოს, რომ წევრი ქვეყნების მხრიდან იმ ვადამდე, როდესაც საქართველო შეუერთდება ჩრდილო ატლანტიკურ ალიანსს, ისინი ზრუნავენ, რომ საქართველო გაძლიერდეს თავდაცვის უსაფრთხოების მიმართულებით და ამაში მნიშვნელოვანი წვლილი შეაქვთ. საქართველო არა მხოლოდ სამიტიდან სამიტამდე, არამედ ყოველდღიურად აძლიერებს საკუთარ თავდაცვას და უსაფრთხოებას. ამაში ჩვენი პარტნიორების მადლიერი ვართ, რომლებსაც წვლილი შეაქვთ. ამ პროცესით ერთგვარად მწიფდება ის დრო, როდესაც საქართველო აუცილებლად გახდება ნატოს წევრი. ჩვენი პარტნიორები გვეხმარებიან, ჩვენი თავდაცვისუნარიანობის გაძლიერებაში, პროცესი მიდის წინ, იმისთვის, რომ როდესაც ეს დრო დადგება საქართველო ამისთვის სრულად მზად იყოს“, - განაცხადა ზალკალიანმა.

ცნობისთვის, აშშ-ის პრეზიდენტმა დონალდ ტრამპმა დღეს ბრიუსელში გამართულ პრესკონფერენციაზე განაცხადა, რომ საქართველო ახლა არ გახდება ნატო-ს წევრი, თუმცა მისი თქმით, ასეთი შესაძლებლობა გამოჩნდება. გარდა ამისა, ტრამპმა აღნიშნა, რომ საქართველოს წარმომადგენლებმა ნატო-ს სამიტის ყველა მონაწილეზე კარგი შთაბეჭდილება მოახდინეს. 
Accor ჯგუფი AXIS Towers -ში

Accor ჯგუფი AXIS Towers -ში

ირაკლი კობახიძე: "ჩვენ ვართ პოლიტიკური ძალა, რომლის მთავარი ღირებულებაა ადამიანი და მისი ღირსების დაცვა"

ირაკლი კობახიძე: "ჩვენ ვართ პოლიტიკური ძალა, რომლის მთავარი ღირებულებაა ადამიანი და მისი ღირსების დაცვა"

ანატოლი ბიბილოვი თბილისთან დიალოგის დასაწყებად პირობებს აყენებს

ანატოლი ბიბილოვი თბილისთან დიალოგის დასაწყებად პირობებს აყენებს

რიკოთზე ხევი-უბისას საგზაო მონაკვეთის მშენებლობით 10 კომპანია დაინტერესდა

რიკოთზე ხევი-უბისას საგზაო მონაკვეთის მშენებლობით 10 კომპანია დაინტერესდა

საქართველო უსაფრთხოების თვალსაზრისით აშშ-ის საიმედო მოკავშირეა და სახელმწიფო დეპარტამენტის განცხადებაში ეს არის ასახული

საქართველო უსაფრთხოების თვალსაზრისით აშშ-ის საიმედო მოკავშირეა და სახელმწიფო დეპარტამენტის განცხადებაში ეს არის ასახული

„ევროპული საქართველო“ უწყებათაშორის კომისიას ტოვებს

„ევროპული საქართველო“ უწყებათაშორის კომისიას ტოვებს

მამუკა ბახტაძემ ჯონ მალხაზ შალიკაშვილის საფლავი გვირგვინით შეამკო

მამუკა ბახტაძემ ჯონ მალხაზ შალიკაშვილის საფლავი გვირგვინით შეამკო

აშშ-ში სასამართლოს შენობაში სროლა იყო

აშშ-ში სასამართლოს შენობაში სროლა იყო


სარეკლამო ბანერი
1000 X 80