საქართველო მზადაა იმისთვის, რომ ნატო-სთან თანამშრომლობის შემდგომ ეტაპზე გადავიდეს
მთავარი

საქართველო მზადაა იმისთვის, რომ ნატო-სთან თანამშრომლობის შემდგომ ეტაპზე გადავიდეს

საქართველო მზადაა იმისთვის, რომ ნატო-სთან თანამშრომლობის შემდგომ ეტაპზე გადავიდეს
ipn

2018-07-12 14:15:45

საქართველოს პრეზიდენტი ბრიუსელში, ნატო-ს სამიტის ფარგლებში, ნატო-საქართველო-უკრაინის შეხვედრას დაესწრო. როგორც „ინტერპრესნიუსის“ კორესპონდენტი ბრიუსელიდან იუწყება, გიორგი მარგველაშვილმა ალიანსის წევრი ქვეყნების სახელმწიფოთა მეთაურების დონეზე გამართულ შეხვედრაზე მსოფლიო ლიდერებს სიტყვით მიმართა.

საქართველოს პრეზიდენტმა ისაუბრა იმ პროგრესზე, რომელსაც დღემდე ქვეყანამ მიაღწია ევროატლანტიკურ სტრუქტურებში ინტეგრაციის პროცესში.

როგორც პრეზიდენტმა აღნიშნა, „საქართველო მნიშვნელოვანი კონტრიბუტორია მსოფლიო საერთო უსაფრთხოებაში, რომელმაც ნატო-სკენ სწრაფვის განაცხადი 16 წლის წინ გააკეთა და ამ პერიოდში მისი პროგრესი შთამბეჭდავია - ის ჩამოყალიბდა, როგორც ყველა ქვეყნისათვის სამაგალითო სახელმწიფო“. 

„დღეს საქართველო უკვე ნატო-სთან თავსებადი, პასუხისმგებლიანი პარტნიორია, რომელიც სრულად იზიარებს ნატო-ს ღირებულებებსა და პასუხისმგებლობებს, აქტიურად მონაწილეობს საერთაშორისო მისიებში და შესაბამისად, ემზადება წევრობისათვის", - განაცხადა გიორგი მარგველაშვილმა. 

ამასთან, პრეზიდენტმა განსაკუთრებული ყურადღება გაამახვილა საქართველოს როლზე შავი ზღვის რეგიონში და კონკრეტულად, რეგიონის მნიშვნელობაზე ევროატლანტიკური უსაფრთხოების მიმართულებით. გიორგი მარგველაშვილმა ხაზი გაუსვა, თუ რა შესაძლებლობებს ხსნის საქართველო თანამშრომლობისათვის და რატომ არის ჩვენი ქვეყნის დაცულობა მნიშვნელოვანი ნატო-სათვის.

გარდა ამისა, გიორგი მარგველაშვილმა დეტალურად ისაუბრა რუსეთის ანექსიურ პოლიტიკასა და საქართველოს ოკუპირებულ რეგიონებში შექმნილ ვითარებაზეც. 

პრეზიდენტმა აღნიშნა, რომ უკრაინა საქართველოს ოკუპაციის გაგრძელებაა და რუსეთის აგრესიულ ქმედებებზე პასუხისგაუცემლობის შედეგია, რომ დღეს მივიღეთ ეს პრობლემა კიდევ უფრო მწვავედ. 

„ეს არის ერთიანი პოლიტიკა, რომელსაც რუსეთი ახორციელებს ახალგაზრდა დემოკრატიების წინააღმდეგ, რასაც უნდა გაეცეს პასუხი და ეს პასუხი უნდა იყოს ნატო-ს ახალი გაფართოება და ამ კონფრონტაციული პარადიგმის შეცვლა. 

დღეს არსებული მდგომარეობით საქართველოს აქვს ყველა პრაქტიკული ინსტრუმენტი იმისათვის, რომ მოემზადოს წევრობისათვის. საქართველო მზადაა იმისათვის, რომ ნატო-სთან თანამშრომლობის შემდგომ ეტაპზე გადავიდეს, გახსნილია და მზადაა პოლიტიკური დიალოგისათვის“, - აღნიშნა გიორგი მარგველაშვილმა.

 
ნინო გოგუაძე: ჰააგის სასამართლო იძიებს პირების ინდივიდუალური პასუხისმგებლობის საკითხებს და არა კონკრეტული ქვეყნის

ნინო გოგუაძე: ჰააგის სასამართლო იძიებს პირების ინდივიდუალური პასუხისმგებლობის საკითხებს და არა კონკრეტული ქვეყნის

“თუ მოვიდა ვაშაძე, რუსულ გეოსტრატეგიულ სივრცეში მოვხვდებით”

“თუ მოვიდა ვაშაძე, რუსულ გეოსტრატეგიულ სივრცეში მოვხვდებით”

როცა 4-5 წელში დაივიწყებ, რაც ნაცმოძრაობამ გააკეთა, ესე იგი მაზოხისტი ხარ - ცაგარეიშვილი

როცა 4-5 წელში დაივიწყებ, რაც ნაცმოძრაობამ გააკეთა, ესე იგი მაზოხისტი ხარ - ცაგარეიშვილი

როდესაც ადამიანი ივიწყებს წარსულს, მას არა აქვს უფლება, ჰქონდეს მომავალი.

როდესაც ადამიანი ივიწყებს წარსულს, მას არა აქვს უფლება, ჰქონდეს მომავალი.

“ქალბატონო სალომე უღირსმა კაცებმა ჩაანაცვლეს თქვენი ადგილი…ამას ქოცების ენაზე”როჟის ახევა” ჰქვია!”

“ქალბატონო სალომე უღირსმა კაცებმა ჩაანაცვლეს თქვენი ადგილი…ამას ქოცების ენაზე”როჟის ახევა” ჰქვია!”

ირაკლი ბათიაშვილი, შეხვედრა ბათუმში მოსახლეობასთან, მე ვიცავ ტავისუფლებას

ირაკლი ბათიაშვილი, შეხვედრა ბათუმში მოსახლეობასთან, მე ვიცავ ტავისუფლებას

ანა დოლიძე: „არ ყოფილა შემთხვევა, ჰააგის სასამართლოს გაესამართლებინოს ჩვეულებრივი ჯარისკაცი, ეს არის მტკნარი სიცრუე, რომლის მიზანია ავანერვიულოთ ჩვენი ჯარისკაცები“

ანა დოლიძე: „არ ყოფილა შემთხვევა, ჰააგის სასამართლოს გაესამართლებინოს ჩვეულებრივი ჯარისკაცი, ეს არის მტკნარი სიცრუე, რომლის მიზანია ავანერვიულოთ ჩვენი ჯარისკაცები“

მე ვიცავ თავისუფლებას - შეხვედრა ბათუმში მოსახლეობასთან

მე ვიცავ თავისუფლებას - შეხვედრა ბათუმში მოსახლეობასთან


სარეკლამო ბანერი
1000 X 80