ცნობილი ბრიტანელი ფოტოგრაფი მარტინ პარი თბილისის შესახებ კატალოგს შექმნის

გაუფრთხილდი თავს

ნარკოტიკი კლავს!

გაუფრთხილდი სხვას

მთავარი

ცნობილი ბრიტანელი ფოტოგრაფი მარტინ პარი თბილისის შესახებ კატალოგს შექმნის

ცნობილი ბრიტანელი ფოტოგრაფი მარტინ პარი თბილისის შესახებ კატალოგს შექმნის
for.ge

2018-06-14 17:38:13

საქართველოს ცნობილი ბრიტანელი ფოტოგრაფი, პრესტიჟული სააგენტო Magnum Photos-ს სრულუფლებიანი წევრი მარტინ პარი სტუმრობს, რომელიც თბილისის შესახებ კატალოგს შექმნის. 

პროექტის - „მარტინ პარი - თბილისი“ შესახებ პრესკონფერენცია გაიმართა. პროექტის დეტალებზე ფოტოგრაფმა მარტინ პარიმ, თბილისის მერიის კულტურისა და სპორტის საქალაქო სამსახურის უფროსმა ირაკლი გვილავამ, „თიბისი ბანკის“ წარმომადგენელმა ალექსანდრე მაყაშვილმა, საქართველოს წიგნის გამომცემელთა და გამავრცელებელთა ასოციაციის აღმასრულებელმა დირექტორმა თინათინ ბერიაშვილმა, ქართული წიგნის ეროვნული ცენტრის დირექტორმა დეა მეტრეველმა და პროექტის ხელმძღვანელმა ეკა ენუქიძემ ისაუბრეს. 

„წელს ფრანკფურტის წიგნის ბაზრობაზე, საქართველო საპატიო სტუმრად არის მიწვეული. სწორედ ამიტომ, თბილისის მერიის მოწვევით, საქართველოში სტუმრად იმყოფება მარტინ პარი, რომელიც ჩვენი დედაქალაქის წარმდგენი იქნება. ის წიგნზე - City Book Tbilisi იმუშავებს, რომლის ტექსტის ავტორიც აკა მორჩილაძეა. Magnum Photos-ს ფარგლებში, 30 ნამუშევარი იქნება წარდგენილი, რომელზეც ცნობილი ფოტოგრაფები მუშაობენ. აღნიშნული ექსპოზიციები თბილისსა და თბილისის მერიას საჩუქრად გადმოეცემა და ის ჩვენი მოქალაქეებისთვის ხელმისაწვდომი იქნება. პროექტი თბილისის შესახებ ცნობადობის ამაღლებასა და ტურიზმის განვითარებას შეუწყობს ხელს“, - განაცხადა ირაკლი გვილავამ.   

მარტინ პარი საქართველოში დედაქალაქის მერიის მოწვევით ჩამოვიდა. ფოტოები, რომელსაც ის თბილისში გადაიღებს, Magnum Photos-ს სხვა ფოტოგრაფების მიერ გადაღებულ ფოტოებთან ერთად, 2018 წლის ფრანკფურტის წიგნის ბაზრობაზე „თიბისი ბანკის“ მხარდაჭერით, საპატიო სტუმარი ქვეყნის პავილიონში გამოიფინება. 

ასევე, წიგნის - „თბილისი მარტინ პარის მიერ/City Book Tbilisi by Martin Parr“ პრეზენტაცია გაიმართება, რომელიც ფოტოგრაფის მიერ თბილისში გადაღებული ფოტოების მიხედვით შეიქმნება და ერთ-ერთ ცნობილ გერმანულ გამომცემლობასთან - Prestel Publishing-თან თანამშრომლობით, მიუნჰენში გამოიცემა. მნიშვნელოვანია, რომ თბილისის მერიას Magnum Photos საჩუქრად გადმოსცემს მთლიან ექსპოზიციას, რომლის ნახვაც ნებისმიერ დამთვალიერებელს, უკვე საქართველოს დედაქალაქში შეეძლება.

მარტინ პარიმ საერთაშორისო აღიარება ინოვაციური სახეებისა და სოციალური ფოტოგრაფიის მიმართ განსხვავებული მიდგომის, ასევე, დიდ ბრიტანეთში და მის საზღვრებს გარეთ ფოტოგრაფიის კულტურაში შეტანილი წვლილისთვის მოიპოვა. მის ნამუშევრებში დაკვირვების სიზუსტემ და ფერმა იგი 1980-იანი წლებიდან ყველაზე უფრო წარმატებული და პოპულარული ფოტოგრაფების სიაში მოახვედრა, რის შედეგადაც, ის სააგენტო Magnum Photos-ს მთავარი წევრი გახდა. 

თემები, რომლებსაც მარტინ პარი ირჩევს, სხვა ფოტოგრაფებისგან იმ ნიშნით გამოარჩევს, რომ მისი შემოქმედება განგრძობით სერიებს მოიცავს. მისი უჩვეულო სტრატეგიის ნაწილია ერთი და იმავე ფოტოების გამოქვეყნება სხვადასხვა კონტექსტში, გამოფენებზე, ხელოვნების წიგნებში. ამ მიდგომის, მისი სტილისა და თემების არჩევანის წყალობით, ის უკვე დიდი ხანია მისაბაძი მაგალითია ახალგაზრდა ფოტოგრაფებისთვის. 

Magnum Photos ფოტოგრაფიული კოოპერატივია, რომელიც თავად წევრ ფოტოგრაფებს ეკუთვნის. ძლიერი ინდივიდუალური ხედვით, „მაგნუმის“ ფოტოგრაფები აღწერენ მსოფლიოს და განმარტავენ მსოფლიო ხალხებს, მოვლენებს, პიროვნებებსა და პრობლემებს. ოთხი სარედაქციო ოფისით ნიუ იორკში, ლონდონში, პარიზსა და ტოკიოში და 15 ქვესააგენტოს ქსელით, Magnum Photos ფოტოებით ამარაგებს პრესას, გამომცემლებს, სარეკლამო სფეროს, ტელევიზიას, გალერეებსა და მუზეუმებს მთელი მსოფლიოს მასშტაბით. აღნიშნული სააგენტოს ბიბლიოთეკა ცოცხალი არქივია, რომელიც მსოფლიოს სხვადასხვა წერტილიდან მიწოდებული ნამუშევრებით ყოველდღიურად ახლდება. 

პროექტი თბილისის მერიის მხარდაჭერით ხორციელდება. პროექტის მხარდამჭერები ასევე, არიან: „თიბისი ბანკი“, Magnum Photos, საქართველოს კულტურისა და სპორტის სამინისტრო, „ქართული წიგნის ეროვნული ცენტრი“, საქართველოს ტურიზმის ეროვნული ადმინისტრაცია, საქართველოს წიგნის გამომცემელთა და გამავრცელებელთა ასოციაცია და „საქართველოს ავიახაზები“.

 
მერკელის ვიზიტისას საქართველოში მიგრანტების განთავსების განხილვა ნაკლებად სავარაუდო მგონია

მერკელის ვიზიტისას საქართველოში მიგრანტების განთავსების განხილვა ნაკლებად სავარაუდო მგონია

პრემიერი ხვალ 6 რეგიონის ახალ რწმუნებულს წარადგენს

პრემიერი ხვალ 6 რეგიონის ახალ რწმუნებულს წარადგენს

სოსო ცინცაძე:   დავით უსუფაშვილი სულ ადვილად „გადაუვლის“ სალომე ზურაბიშვილს

სოსო ცინცაძე: დავით უსუფაშვილი სულ ადვილად „გადაუვლის“ სალომე ზურაბიშვილს

გრიბოედოვის ქუჩის N16-ში მდებარე ისტორიული შენობა კაპიტალურად გამაგრდება

გრიბოედოვის ქუჩის N16-ში მდებარე ისტორიული შენობა კაპიტალურად გამაგრდება

თბილისიდან კრასნოდარის მიმართულებით მოძრავი ავტობუსისა და „კამაზის“შეჯახების შედეგად სტავროპოლის ოლქში დაიღუპა 2 და დაშავდა 17 ადამიანი

თბილისიდან კრასნოდარის მიმართულებით მოძრავი ავტობუსისა და „კამაზის“შეჯახების შედეგად სტავროპოლის ოლქში დაიღუპა 2 და დაშავდა 17 ადამიანი

ცნობილი ხდება იმ გუბერნატორების ვინაობა, რომლებსაც პრემიერი წარადგენს

ცნობილი ხდება იმ გუბერნატორების ვინაობა, რომლებსაც პრემიერი წარადგენს

ბახმაროში მიმდინარე ღონისძიებებს პრემიერ-მინისტრი მამუკა ბახტაძე ესწრება

ბახმაროში მიმდინარე ღონისძიებებს პრემიერ-მინისტრი მამუკა ბახტაძე ესწრება

ღმერთმა მოგვცეს ძალა, რომ ფერიცვალების ღირსი გავხდეთ

ღმერთმა მოგვცეს ძალა, რომ ფერიცვალების ღირსი გავხდეთ


სარეკლამო ბანერი
1000 X 80