თბილისის მერი სამეცნიერო-პრაქტიკულ კონფერენციას დაესწრო

გაუფრთხილდი თავს

ნარკოტიკი კლავს!

გაუფრთხილდი სხვას

მთავარი

თბილისის მერი სამეცნიერო-პრაქტიკულ კონფერენციას დაესწრო

თბილისის მერი სამეცნიერო-პრაქტიკულ კონფერენციას დაესწრო
for.ge

2018-02-13 14:27:38

თბილისის მერმა კახა კალაძემ კონფერენციაში - „თბილისის მომავალი: მდგრადი განვითარება, თუ კრიზისი?“ მიიღო მონაწილეობა და დამსწრე საზოგადოებას სიტყვით მიმართა.

დედაქალაქის მერმა სიტყვით გამოსვლისას აღნიშნა, რომ ქალაქის მთავრობა არსებული პრობლემების მოგვარების პროცესში სხვადასხვა დარგის სპეციალისტებთან თანამშრომლობისთვის მზადაა, რადგან ქალაქში მნიშვნელოვანი პროექტები ერთობლივად, რაც შეიძლება მეტი ადამიანის ჩართულობით უნდა განხორციელდეს.

„მჯერა და დარწმუნებული ვარ იმაში, რომ მომდევნო წლების განმავლობაში, ჩვენი დედაქალაქისთვის, რა თქმა უნდა, თქვენი დახმარებითა და ჩართულობით, ძალიან ბევრ სასიკეთო და მნიშვნელოვან პროექტს განვახორციელებთ, რადგან გვინდა, მშენებლობის პროცესში მხოლოდ მერისა და მერიის სამსახურები არ იყვნენ ჩართული. როდესაც ჩვენი უფლებამოსილება დასრულდება, ვიტყვით, რომ არა მერმა და მერიამ განახორციელა ეს პროექტები, არამედ ვიტყვით, რომ ეს ყველაფერი ერთად გავაკეთეთ“, - აღნიშნა კახა კალაძემ.

 თბილისის მერმა კონფერენციის მონაწილეებს სურვილის შემთხვევაში, დედაქალაქის მიწათსარგებლობის გენერალური გეგმის საბოლოო ვარიანტის განხილვის პროცესში ჩართვა შესთავაზა. მისი თქმით, დოკუმენტის მიღების პროცესი აბსოლუტურად გამჭვირვალედ მიმდინარეობს.

სამეცნიერო-პრაქტიკულ კონფერენციაზე თბილისის ურბანული განვითარების საკითხებთან დაკავშირებით, სხვადასხვა დარგის სპეციალისტებმა იმსჯელეს. საუბარი ქალაქის ეკონომიკური, სოციალური და ეკოლოგიური მდგომარეობის გაუმჯობესების შესაძლებლობებს შეეხო.

თბილისის მერიის ეკონომიკური განვითარების საქალაქო სამსახურის უფროსმა ანდრია ბასილაიამ კონფერენციაზე ქალაქის ეკონომიკური განვითარების ხედვის შესახებ პრეზენტაცია წარადგინა. ღონისძიება საქართველოს ეკონომიკურ მეცნიერებათა აკადემიისა და საქართველოს არქიტექტორთა კავშირის ორგანიზებით გაიმართა.
ირაკლი კობახიძე:  სამწუხაროდ, რუსული მიდგომა არ იცვლება

ირაკლი კობახიძე: სამწუხაროდ, რუსული მიდგომა არ იცვლება

კახა კალაძე გიორგი მარგველაშვილზე:  ზედმეტად დიდი წარმოდგენა აქვს თავის თავზე

კახა კალაძე გიორგი მარგველაშვილზე: ზედმეტად დიდი წარმოდგენა აქვს თავის თავზე

რამდენიმე სერიოზული კანდიდატი განიხილება, რომელსაც შესაძლებლობა აქვს საპრეზიდენტო არჩევნების პირველივე ტურში მოიგოს

რამდენიმე სერიოზული კანდიდატი განიხილება, რომელსაც შესაძლებლობა აქვს საპრეზიდენტო არჩევნების პირველივე ტურში მოიგოს

არც ერთ დეპუტატს არ გაუკეთებია ის, რაც დავით ჭიჭინაძემ გააკეთა

არც ერთ დეპუტატს არ გაუკეთებია ის, რაც დავით ჭიჭინაძემ გააკეთა

მარგველაშვილი თუ დააყენებს კანდიდატურას, დარწმუნებული ვარ, მეც რომ დავაყენო საკუთარი კანდიდატურა, ნამდვილად მოვუგებ

მარგველაშვილი თუ დააყენებს კანდიდატურას, დარწმუნებული ვარ, მეც რომ დავაყენო საკუთარი კანდიდატურა, ნამდვილად მოვუგებ

საოცარი განცხადება გააკეთა მარგველაშვილმა, ფაქტიურად გამოდის, რომ მსოფლიო თუ არა, მთელი სახელმწიფო მას ელოდება რას იტყვის

საოცარი განცხადება გააკეთა მარგველაშვილმა, ფაქტიურად გამოდის, რომ მსოფლიო თუ არა, მთელი სახელმწიფო მას ელოდება რას იტყვის

22 წელია საჯარო სამსახურში ვმუშაობ და ვფიქრობ, ცხოვრების ნაწილი ჩემს მცირეწლოვან შვილებსაც უნდა დავუთმო

22 წელია საჯარო სამსახურში ვმუშაობ და ვფიქრობ, ცხოვრების ნაწილი ჩემს მცირეწლოვან შვილებსაც უნდა დავუთმო

დონალდ ტრამპი ამერიკული მედიის ნაწილზე: ფარისევლები!

დონალდ ტრამპი ამერიკული მედიის ნაწილზე: ფარისევლები!


სარეკლამო ბანერი
1000 X 80