ირაკლი კობახიძე რუმინეთის სენატის საგარეო პოლიტიკისა და თავდაცვის, საზოგადოებრივი წესრიგისა და ეროვნული უსაფრთხოების კომიტეტების თავმჯდომარეებს შეხვდა
მთავარი

ირაკლი კობახიძე რუმინეთის სენატის საგარეო პოლიტიკისა და თავდაცვის, საზოგადოებრივი წესრიგისა და ეროვნული უსაფრთხოების კომიტეტების თავმჯდომარეებს შეხვდა

ირაკლი კობახიძე რუმინეთის სენატის საგარეო პოლიტიკისა და თავდაცვის, საზოგადოებრივი წესრიგისა და ეროვნული უსაფრთხოების კომიტეტების თავმჯდომარეებს შეხვდა
for.ge

2017-11-15 09:47:57

საქართველოს პარლამენტის თავმჯდომარე რუმინეთში შეხვედრებს მართავს. ოფიციალური ვიზიტის ფარგლებში, ირაკლი კობახიძე დღეს რუმინეთის სენატის საგარეო პოლიტიკის კომიტეტის თავმჯდომარეს, ქრისტიან-სორინ დუმიტრესკუს და თავდაცვის, საზოგადოებრივი წესრიგისა და ეროვნული უსაფრთხოების კომიტეტის თავმჯდომარეს - იულიან დუმიტრესკუს შეხვდა.

მხარეებმა საქართველოს ევროპულ და ევროატლანტიკურ სტრუქტურებში ინტეგრაციის პროცესი განიხილეს. ირაკლი კობახიძის განცხადებით, საქართველო აქტიურად ახორციელებს ევროკავშირთან ასოცირების შესახებ შეთანხმებით გათვალისწინებულ რეფორმებს.

სენატის წევრებმა ჩვენი ქვეყნის მიერ ევროინტეგრაციის პროცესში მიღწეული პროგრესი დადებითად შეაფასეს. მათი განცხადებით, რუმინეთი მხარს მტკიცედ უჭერს საქართველოს ევროკავშირსა და ნატოში ინტეგრაციას.

შეხვედრაზე, ასევე, საქართველოსა და რუმინეთს შორის თანამშრომლობის, ასევე, საპარლამენტთაშორისო ურთიერთობის გაღრმავების სამომავლო გეგმები და პერსპექტივები განიხილეს.

საუბარი შეეხო რეგიონში არსებულ ვითარებასა და არსებულ გამოწვევებს. რუმინეთის სენატის საგარეო პოლიტიკის კომიტეტისა და  თავდაცვის, საზოგადოებრივი წესრიგისა და ეროვნული უსაფრთხოების კომიტეტის თავმჯდომარეებმა ირაკლი კობახიძეს ჩვენი ქვეყნის ტერიტორიული მთლიანობისა და სუვერენიტეტის მტკიცე მხარდაჭერა დაუდასტურეს.

მხარეები თანამშრომლობის გაღრმავებაზე შეთანხმდნენ.

„შეხვედრები გავმართეთ რუმინეთის ქვედა და ზედა პალატის კომიტეტების ხელმძღვანელებთან.  ვისაუბრეთ სხვადასხვა საკითხზე, მათ შორის, ორმხრივ თანამშრომლობაზე, საქართველოს ევროპულ ინტეგრაციაზე, ჩვენს საგარეო პოლიტიკაზე. ჩვენი რუმინელი მეგობრების მხრიდან კიდევ ერთხელ დაფიქსირდა ძალიან მყარი მხარდაჭერა საქართველოს მიმართ. განსაკუთრებული აქცენტი გაკეთდა, ასევე, ეკონომიკურ ურთიერთობებზე. ვისაუბრეთ იმაზე, რომ უნდა გააქტიურდეს ჩვენი ორმხრივი ეკონომიკური კომისიის საქმიანობა", - განაცხადა შეხვედრის დასრულების შემდეგ საქართველოს პარლამენტის თავმჯდომარემ.


​ 

 
Accor ჯგუფი AXIS Towers -ში

Accor ჯგუფი AXIS Towers -ში

ირაკლი კობახიძე: "ჩვენ ვართ პოლიტიკური ძალა, რომლის მთავარი ღირებულებაა ადამიანი და მისი ღირსების დაცვა"

ირაკლი კობახიძე: "ჩვენ ვართ პოლიტიკური ძალა, რომლის მთავარი ღირებულებაა ადამიანი და მისი ღირსების დაცვა"

ანატოლი ბიბილოვი თბილისთან დიალოგის დასაწყებად პირობებს აყენებს

ანატოლი ბიბილოვი თბილისთან დიალოგის დასაწყებად პირობებს აყენებს

რიკოთზე ხევი-უბისას საგზაო მონაკვეთის მშენებლობით 10 კომპანია დაინტერესდა

რიკოთზე ხევი-უბისას საგზაო მონაკვეთის მშენებლობით 10 კომპანია დაინტერესდა

საქართველო უსაფრთხოების თვალსაზრისით აშშ-ის საიმედო მოკავშირეა და სახელმწიფო დეპარტამენტის განცხადებაში ეს არის ასახული

საქართველო უსაფრთხოების თვალსაზრისით აშშ-ის საიმედო მოკავშირეა და სახელმწიფო დეპარტამენტის განცხადებაში ეს არის ასახული

„ევროპული საქართველო“ უწყებათაშორის კომისიას ტოვებს

„ევროპული საქართველო“ უწყებათაშორის კომისიას ტოვებს

მამუკა ბახტაძემ ჯონ მალხაზ შალიკაშვილის საფლავი გვირგვინით შეამკო

მამუკა ბახტაძემ ჯონ მალხაზ შალიკაშვილის საფლავი გვირგვინით შეამკო

აშშ-ში სასამართლოს შენობაში სროლა იყო

აშშ-ში სასამართლოს შენობაში სროლა იყო


სარეკლამო ბანერი
1000 X 80